20-21.02.2013 Waitangi

Medemneh schöne lange Skype med de Fründin zum ufstah und feini Corn Flaks zum Zmorge hed min Tag am 20igste begonne. Schueh bunde beni los und han en Coast Walk welle mache. Leider isch de ganzi Wääg de Haupstrass entlang gsi und mer hed nur ab und zue uf`s Meer gseh, so hani den öbbe nach 30min. rechtsumkehrt gmacht und ben weder zurgg rechtig Campingplatz. Ich han eingentlech vell meh erhoft gah vo dere Strecki, naja. Am hütige Morge beni den en Morgespaziergang uf Paihia go mache. Gäg de Nomittag hanmi den dochnomel entschlosse so en Track zlaufe. Dur de Regewald ca. 40min. emmer stetig deruf, esch au dementsprechend heiss und düpig gsi. S`Ziel esch en Lookoutpoint gsi woni den au erreicht gah han und en super Ussblick gnosse han. Aber öberall heds ame Schilder vo dene berühmte Kiwi-Vögel, i dere Ziit won ich jetzt do gsi ben hani kein einzige gseh. Und e Kiwifrucht hani erst hüt s`erste mal gah, well die send ebe no zimli tüür wells ned Saison send…