Profile
Blog
Photos
Videos
26.01.2013 Bluff
Zemli chalt es gsi am Morge in Queenstwon aber strahlend blaue Himmel und kei einzigi Wolche. En super Tag für…ja für was…am Endi vom Tag beni uf jedefall am "Ende der Welt" gsi. Ich han mich für en Skydive gwagt. Und ich chan eu säge, es esch so de Hammer gsi. Bilder gseds leider kei vom Flug die würded no ca. 150.- extra si…Medmneh chline Flugi id d`Höchi benere atenberaubende Kulisse. Sunne, blaue Himmel, Berge, Schnee, türikisblaui See, unändlichi Wiiti eifach nome herrlich gsi ded obbe. Und den de freii Fall und s`gleite med es paar heftigi Drehige i dere Landschaft esch au unglaublich schön gsi. Nach dem de Bluetdruck weder gsänkt gsi esch beni wiiter uf de southern Scenic route rechtig süde. Am wunderschöne Lake Wakatipu entlang. Die Scenic Route route für e direkteri verloh und den churz vor Invercargrill weder druf. En chline zwüschestopp i de Stadt und wiiter rechtig Bluff. Und den beni acho am „Ende der Welt" Vo de sents norno ca. 4810km zum Südpol. Das esch de südlichts Punkt womer med em Auto chan erreiche ohni Fehri in Neuseeland und wens mi ned düscht de zweit vo de Welt. Es esch aber nüd los do unde usserde de Möve und em Meer ghört mer fast nüd. Am spote Obig beni no uf en chline Hüggel zum Ussichtspunkt ufe jogget. Zum Glück hani Kamera debi gah, welli uf de einti Sitte en schöne Sunneuntergang und uf de anderi Site de Mond öbbe uf glicher höchi gseh han…
@Elter: chönder eu no erenere, de Film womer im Fernseh gluegt händ, med em alti Renntöffahrer wo uf Amerika esch go de Highspeedrekord breche…De esch vo do vo Invercargrill ;-) A sim Probestrand beni hüt verbigfahre.
- comments