23.02.2013 Honolulu

So jetzt heists nömme Kia Ora wie in Neuseeland, jetzt heissts Aloha do uf Hawaii. Am Samstig de 23igst beni med chli verspötig vo Auckland rechtig Honolulu abgfloge. Verspötig esch darum gsi, well de Tanker nome tankt hed für ufd Fiisch und ned nach Hawaii. Samstig gäg de Mittag abgfloge, Friitig am 22igst gäg de Obig glanded wäg de Ziitverschiebig…z Obig spot beni den doch no ines Hostel cho und han chli chöne schloffe. Wederum am Samstig zum zweite mal de 23igst ;-)…am Morge beni mega froh gsi hani nomol chli med de Lea <3 chöne Skype, au well die ganz Hostel gschecht do in Honolulu hed öberhaupt ned funktioniert wie ich`s eigentlech denkt han. Gäg de Mittag hets mich zum Waikiki Beach zoge. Chli en Schock gah woni über de Sand gloffe bin…vo einsame, touristelose, megaschöne Stränd in Neuseeland beni zumne multikulti, ufgmotzte, für mini Verhältniss überfüllte aber schöne Strand cho. Aber Kulisse med em Krater im Hindergrund, dene vellne Palme und dem schöne hellblaue Meer dörf mer sich ja ned beklage. Und d`Wassertemperatur esch au optimal und Sunne hed sich au fast de ganz Tag schön präsentiert. Wo anderi Orte es Boot, Pedallos oder so vermietet wird, wird bem Waikiki Beach, Surfboard`s vermietet. Aber woni die Wellene gseh han, hani fast müesse chli schmuntzle so im verglich zu Raglan. Die grössere befendet sich ja uf de nördlichere Siite vo de Insle und ned in Honolulu. Z`Obig beni nomol ad Strandpromenade und han e iheimische Tanzvorführig chli zueglueged und nochli dur Stadt gschlenderet. Und mer es Coors Light gönnt, mis Amerikanische lieblings Bier.