13-16-02-2013 Auckland

Bis hüt beni in Hahei uf dem Campingplatz gsi med mim Zelt. Underanderem beni no bem Hotwater Beach gsi. Ded chammer sin eigne warme Pool us Sand usgrabe. 2km under de Erde het`s en heisse Stei und de erwärmt s`Wasser bes zu 60C. Die meiste ded händ e Schuffle gah zum grabe... Ich han allso nur grad Füess drenn gah und be amme froh gsi wenn weder e Welle med chli chüelerem Wasser cho esch. Ich han gmeint ich verbrenn mer no d`Füess dasch be gwüssne Stelle mega heiss gsi…

En Usflug nach Whitianga hani au no gmacht. Ded nochli Region besechtigt und schöni Ussechte uf`s Meer gnosse vorallem bem Shakspear Lookoutpoint. Und bem Campingplatz Strand d`Sunne und s`Meer ebefalls in volle Züüge. Jetzt beni weder zrugg med em Bus nach Auckland woni 1 Nacht übernachte und den gots morn wiiter med em Bus. Die letsch Woche Neuseeland esch abroche und kei Angst es ged den scho weder meh Text ;-)…