06.07.08.02.2013 Rotorua

Am 6 und 7e hani also ned vell gmacht. In Auckland mol no ga Haarschniede, Wösch gmacht,….usw. Ich ben den am 7. am Nomittag med em Bus uf Rotorua 3.5h gfahre. I dere Stadt do schmöckts öberall ächli nach Schwefel. Also es schöckt ame so wie wenn grad Führwerk ab wer ;-). S`Backpackers Hostel woni jetzt ben, hani bes jetzt s`beste gfunde i minere Reis…suuber, ned all zu gross, eigene warme Pool, gueti Chuchi,…Hüt beni am Morge los echli go Stadt a luege, Vorallem s`Museumsgebäude esch mega schön gmacht med em Garte vorndrah. Am Nomittag hani den en Speziergang dur en Thermischepark gmacht wo grad i de nöchi vom Hostel und öffentlich zuegänglich isch. Öbberall hed bluberlet und dampft und das zmezt i de Stadt. Uf de Sitte vo de Strasse heds no zemli vell Röhrene wo us em Bode usechömed und Dampf uselönd gah. De ganz Park händs recht schön gstaltet. Ab und zue heds ame so es 5x1x0.3 m Beckis gah med warms Thermalwasser drenne wommer hedi chöne es Fuessbad neh.