Profile
Blog
Photos
Videos
27.01.2013 Oamaru
Im Südpol de Rugge zuekehrt hedsmi med min Camper weder nordwerts trebe. Ich ben recht guet vorwärtscho, die ganz Landschaft esch prägt dur Landwirtschaft und lange Geradene. Verbi bemne chline Waldbrand und dämpfende See esch de Mitsubishi L 300 und Ich bem Nugget Point acho. Wederum be strahlend blaue Himmel und sunneschi hani en wunderschöne Usblick ufs Meer, de Lüchttorm und die velle Tier död gnosse. Das ganze esch ned grad i de nöchi vom Highway gsi. Bem zrugfahre hani rasch en Stei a glueged wos sech grad bewegt hed, es esch en riisige Seeläu gsi, kein Stei, wo sich in aller öffentrlichkeit am Strand gsünneled hed. Am Strasserand ghalte beni zunem ane. Das hedem leider ned so gfalle und hed en Ton vosech geh und esch weder ab is Meer gwaschled. Aber es rächts Kaliber gsi ;-) De nächst Zwüschehalt hani den in Dunedin gmacht. Chli e grösseri Stadt med vell alte Bauwerke aber all no in guetem Zuestand. Vorall d`Railwaystation und das rundherum esch sehr schön gsi. Zwöscheverpflegt beni den wiiter zu de Moeraki Boulders. Das sind die grosse runde Stei, wos vor x Jahre an Strand gschwemmt hed, recht idrögklich gsi. Am Schluss vom Tag und übernachte dueni do in Oamaru. Es Stadtli medereh schöne „Altstadt". Aber Hauprattraktion do esch die blue Penguins Colony. Die lauffed jede Obig öber de Strand zu de Näster. Leider esch das so e Touristeatraktion worde, dass nüd gseh hesch wend ned Itrett zahlt hesch. Ich han mer die Abzoke vo 25.- gsparrt und han de Sunneuntergang am Hafe nochli gnosse.
- comments