22.01.2013 Pohara

Übernachtet und eigentlech no guet gschlaffe im Camper uf em Parkplatz zmezt in Wellington beni nochli de Küste no gloffe in Wellington. Es esch en mega schöne Morge gsi, sunneschi, warm, blaue Himmel,…Zemli faszinierend hani die gnanzi Bauwiis vo de Hüüser am Hang vo Wellington gfunde. Gäg de Mettag beni den los und han d`Ferrie gno id Südinsle. D`Interisland Ferry esch ned grad bellig gsi (ca. 16o Franke) med Auto aber es hed sich glont. Vo Wellington nach Picton ca. 3.5h. Be perfektem Wetter und Sicht esch das e extrem schöni fahrt gsi. Die Landschaft esch unglaublich. Vorallem den im Queen Charlotte Sound enne…In Picton a cho beni rechtig Nelson gfahre. Ich han kei Ahnig gah was das für e Strass wird si. Ufjedefall es wie uf Arosa gsi..Kurve Kurve Kurve aber medemnehh atenberaubendem schöne Usblick (zwüsche Picton und Havelock, go Streetview ;-)). Rasch zwüscheverpflägt in Nelson beni den wiiter Rechtig Golden Bay. Ich han eigentlech no keis rechtigs Ziel gah. Wederum Kurve, ufe, abe,…S`Benzin (ca. 1.65Fr./Liter) esch gflosse ;-)…Verbi am Tasman Nationalpark, über de Takaka Hill beni in Takaka glanded. Ded hani entschiede dasi i de nöchi es schöns Plätzli zum übernachte suech. Und gfunde hani en Campingplatz in Pohara. Leider beni zemli beschäftig gsi med ufbaue, choche, wäsche,…und han no kein schwum chöne neh im Meer, well d`Sunne esch den gli mol einisch dunde gsi. Ah jo bem choche. Min Gaschocher hed nöm funktioniert. D.h. s`Ventil zwüsche Gasdüse und Gasfläsche esch nöm so guet intakt. Ufjedefall heds zeigt das die Neuseeländischi Campers zemli nett, hilfsbereit und vorallem usgrüstet sind. Sie händ mer s`Ganze den repariert ;-)

Grüsse aus Pohara, Golden Bay, Neuseeland