23.01.2013 Murchison

Nachemneh Sunnige Di. beni am Mettwoch im Camper erwached und es hed chli gregnet. So beni no min Blogitrag go mache. Ich ben ebe emmer chli uf de suechi nach guetem gratis Wifi. Meistens zahlt mer für 24h öbbe 4.-.Recht viell fendi. Ich hans den s ganze den vonere PC Station im Campingplatz für fast gratis gmacht ;-) Naja ben den gli mol los und rechtig Cape Farewell gfahre. Mis Ziel esch gsi de Wharariki Beach. Am lange Golden Bay entlang und dur chli Schottertross und ere 20min. wanderig beni den am Beach a cho. Leider es Wetter wie gseit ned so bombe gsi, wenigstens heds ned gregnet. Aber es esch trotztem mega schön gsi. Wiiter beni den nach Marahau gfahre wo de Abel Tasman Coast Track a fod. Das esch eigentlech e 2-4 Tageswanderig de Küste entlang und extrem beliebt be allne Wanderer und Kajaker. Ich glaub well s`Wetter ned so top gsi esch heds ned vell Lüüt bes gar niemert uf em Track. Ich ben ca. 1h hi und 1h zrugg gwanderet. Nach dere 1h wanderig dur Strand und Regewald beni bem Apple Tree Bay acho. Extrem schön gsi well sich au d`Sunne nochli zeigt hed und ich mech im Meer han chöne abchuele. Schlussäntlich beni nomol chli gfahre und jetzt 8km vor Murchison. Ich wot ebe a de Westküste abwerts und den a de Ostküste ufwerts. Für öbbe 5.- hani min Camper bemene Motorhome Place chone parke. Dasch recht lüsstig gsi, es esch für s`ganze do es alts Ehepärli verantwortlich und die sorget sich so rechtig um ehri Gäst…Leider heds kei Wifi gah und es schiffed in Ströme ;-)