Vo de Innestadt verabschieded hani mich rechtig Flughafe uf de wäg gmacht. Han denkt lieber zfrühe döde si, als de Flüger verpasse…ufjedefall hani die chinesischi Chochi nomol testet gah. Das esch für es paar alti Flughafeputzfraue es lustigs Erläbnis worde…ganz "normal" e Schale Riis, e Suppe med undefinierbarem Züügs drene und so fritierti Crevette und Fisch heds geh. Dezue hets leider nor Stäbli abote worde, han denkt, ich frög jetzt mol ned nach Bsteck und versuechs halt weder med de Stäbli. Das es für mich ächli eifacher got hanis ned abenant gno. So hed mech e alti Putzfrau gseh ässe und ennerlich wahrschindlech voll am vergröllt…plötzli send den 5 Putzfraue ume gsi und händ emmer so schiiheilig zu mer glueged => han wahrschindlich für sie voll de Pauseclown gspellt ;-)

Naja de Flug uf Auckland esch au ned grad de böörner gsi, chlini schreiendi Babys händ sech fast 10h lang med em Gschrei abgwächsled…und nachher bes ich mol dor öbbe 5 Zollkontrollene durecho bin und vo vorne bis hinde vo mim Ufendhaltgrund usgfröged worde bin, eschs au e Ewigkeit gange bes ich usem Flughafe dosse gsi ben. Schlemmer gsi als id USA i reise…

I de Schwizz med Händsche und Chappe, in Auckland med churze Hose und Flip Flops. Nachem CheckIn beni nochli dur Stadt gschländeret und no zum Hafe abe, de woni au Zobig no be go aluege, well vo ded gsed mer schön ad Skyline ane.

Beste Dank no für Kommentär!! Freu mich uf jedi wiiteri!!

Gruess us Auckland, Neuseeland