26.27.02.2013 Kapaa

Abgfloge am Morge früeh am 26igst vo Honolulu uf e anderi Insle. Glanded beni in Lihue uf de Insle Kauai. Chum abgfloge scho weder zum Landeaflug agsetzt, nor grad 40min. gflogge. Med em öffentliche Bus beni rechtig Norde gfahre nach Kapaa woni es Hostel han. Kauai Beach House Hostel, Surfer, Hänger, Chiller Hostel hoch 3. Sochli es Hostel wie us de Surfilms. Nochli de Promenade entlang gloffe bes zum Kealia Beach, ded hani nochli de Surfer zuglueged. Und den esch gli mol einisch Obig gsi.

Am 27igst beni med em Bus in Norde vo de Insle, gnauer gseit nach Hanalei. Es chlises, chli zurgblibnigs aber herzigs Dörfli medmneh schöne Strand. Eigenltech hani ghofft gah dasi ded en Roller oder es Velo chan miete, aber esch leider nüd gsi. Well de berüemti Kee Beach esch ebe ned per Bus zuegänglich woni gern no gseh hed. Eifach nochli em Hwy entlang gloffe beni mol imne Waldwäg entlang zum Meer abe und promt beni zumne schöne fast verlassne Strand cho. Es paar Stunde sind bem sünnele, ab de Felse abegumpe, bädele und so verbiigange. Mega schöns blaus Wasser hed ded gah, aber strömig esch no rächt starch gsi. Weder med em Bus zrugg bem Hostel heds e sones gmeinsams Ässe geh. Eini vo bem Hostel schafft hed ebe morn de letscht, drum hed jede chli öbbis medgno und ich han es „Allerwältässe" gnosse. Und so esch de Tag au scho weder ume.