24.02.2013 Honoulu

Früeh am Morge weder uf d`Schueh bunde und ab rechtig Diamond Head Krater gloffe. Sozäge de „Huusberg" vo Honolulu. Uf em ganze wäg dedane heds zemli vell Jogger gah wo chli Morgesport gmacht händ. Ganz obe uf em Krater acho, hani e mega schöni Ussecht uf de Wikiki Beach und fast ganz Honolulu gnosse. Leider es chli bewölkt gsi aber defür hani rasch en Regeboge über Waikiki gseh. Weder zrugg im Hostel Badehose montiert und no es paar Meter med de Wellene vom Wikiki Beach gschwumme. Aber au hüt heds extrem vell Lüüt gah am Strand. Nachher send d`Wulchene emmer grösser worde und einzelni Tröpfli send gfalle. Han mech den Entschiede nochli Honolulu Downtown a zluege. Med em Bus rechtig Innestadt gfahre beni zersch bem Aloha Tower glanded. Wiitergloffe zu de Kamehameha Statue und Schlussentlich im riisige Shoppingcenter Ala Moana glandet. Mega vell FastFood Ständ heds ded gah, unglaublich. Nachher beni den weder med em Bus zum Hostel zrug. Also d`Information öbber die Busverbindige und Ziitplan send zemli schlecht do. Ich han bis jetzt emmer chli Glück gah dasi de rechtig verwütscht han. Osserd Online hani sozäge noni e Agab über de Bus gfunde.