25.02.2013 Honolulu Wederum frühe u fesch e Inselumrundig vo de Insle Oahu uf em Tagesprogramm gstande. Das ganze hani med em öffentliche Bus für 5$ chönne mache. Los vo Honolulu zwüsche Ananasplantagene dedur beni in Haleiwa glanded. Das esch bem bekannte Surfgebiet North Shore. I dem Gebiet send amme die Weltbeste Surfer vom Dez. - endi Jan. zgseh, bem ca. 10m hohe Welleritte. Also eine vo de bekanntiste Surfspots uf de Welt. Ich han mer den au es Surfboard für 15$/Tag gmietet und ben ussepaddlet und han hammer Wellene verwütscht. So cool gsi. Also d`Wellene send den kei 10m gsi aber si händ e gueti höchi für mich gah. So gäg di 2, wos emmer meh Lüüt geh hed, beni wiiter med Bus uf de Ostsite derab weder uf Honolulu. Verstärcht hani den no de wunderschöne Sunneundergang am Waikiki Beach gnosse und de Tag usklinge lah.