De Plan mit em Internet hani chönne striche. De USB-Port isch nämli nöd zuegänglich gsi.
Mit em Zug bini bis nach Kurishiki. Es richtigs Schländerstädtli miteme schöne Hügelschrein. Shoppingarkade und touristisch zwäggmachti Gassene mit Läde und Reschtis i traditionelle Hüser. Schöni Flusspromenade hets und me cha no e Flussbootsfahrt gnüsse uf alte Handelsboot inklusiv japanischer Gondeliere. Gseht no gmüetlich us.
Ich bin denn no e paar Kilometer wiiters gloffe zur andere Zuglinie. Underwägs bini no amene Hundemuseum verbi. Das isch en Antiquitätelade gsi, wo uf em Dach öppe 80 Hundestatue plaziert het, inklusiv Liächterchetti. De Weg het mi denn no a einigi schöne Plätzli verbiigfüehrt.
Mit em Zug bini denn churz no gfahre und vom Bahnhof i de nöchi vo Okayama zsgstige. Nachere Halbstund laufe, bini denn im Hotel acho. Churz nachem zNacht han mi denn an Hotelcomputer gsetzt. De het zwar sXP druf gha, aber Internetbrowser und Java sind so lang nöd aktualisiert worde, dass ich kein Zuegeiff uf mis Mail no uf mini Onlinedateiwulche gha han. Aber wenigschtens hanis chönne uf wetransfer online speichere. Nach etliche app downloads hanis denn gschafft, dass ichs sPDF per Mail chan verschicke. Die riise Büez het mi recht gschluchet und so hanis halt de Versand numol um en Tag verschobe.