Profile
Blog
Photos
Videos
Heey tit :)
Aftur í morgun blivu vit vaktar tíðliga (kl.7). Meðan vit ótu morgunmat, sigldi báturin til eitt stað, har tað er gott at snorkla. Vit lógu allar fýra og sólaðu okkum, inntil tað var klárt at fara at snorkla, men tá tað kom til stykkis, vóru tað bert Una og Malan sum fóru at snorkla, meðan vit báðar lógu og sólaðu okkum. Vit hava nú snorklað/dykkað so ofta í Great Barrier Reef, so vit vildu heldur bara liggja og slappa av fyri eina ferð skyld :) Tey, ið vóru og snorklaðu, høvdu sæð ein stóran Wally, men her í Whitsundays kalla tey hann Elvis - hví, tey ikki kalla hann eins allastaðni, vita vit ikki.
Tá øll (tey, sum høvdu dykkað og snorklað) vóru komin í bátin aftur, byrjaði báturin leiðina aftur til Airlie Beach. Tað tekur eina løtu at sigla, so vit nýttu tíðina við at sóla okkum og roksa við tey ymisku umborð á bátinum. Vit blivu sjálvandi lekkurtsultnar, og fóru aftur at eta ís. Júst sum vit høvdu opnað ísin, fingu vit øll at vita, at vit skuldu skunda okkum at pakka, tí nú var døgurði á skránni (hotdog).
Vit vóru í Airlie Beach aftur um 13-tíðina. Sólin bakaði enn - vit vóru so heldigar umborð við veðrinum, tí tað var sól allir dagarnar, og tað var so stilt, at tað var sum at ganga á gólvinum. Beint eftir at vit høvdu chekkað inn aftur á hostellið Beaches, byrjaði tað at sirma.
Eftir túrin vóru vit so troyttar, at vit avgjørdu at fara at fáa okkum ein lítlan blund, og settu vekkaran kl.17.45. Vit skula í after-party í kvøld - øll tey sum vóru við umborð á bátinum. Tá vit allar fýra vóru klárar, fóru vit í køkina at fáa okkum havragrýn við mjólk. Vit tímdu ikki at gera okkum døgurða, tí vit høvdu fingið at vita, at vit fingu pizza í After Party.
Tá vit komu til Phoenix (barrin, har after-party var), hevði Gurið sjálvandi gloymt koyrikortið (man skal jú hava prógv fyri at koma inn), so hon og Malan fóru allan vegin aftur á hostellið eftir tí. Í Phoenix fingu vit stempil, um at vit vóru við Atlantic Clipper; hetta skuldu vit vísa fyri at fáa pizza. Vit gleddu okkum so nógv at fáa pizza, men vit vóru noyddar at bíðu í hálvan tíma eftir henni. Vit fingu hálva pizza í part, so Gurið og Malan deildu eina pizza við skinku og Gunnvá og Una deildu eina við pepperoni. Hendan smakkaði so væl! Tað vóru ikki so nógv fólk frá bátinum í hesu barrini, so tí fóru vit bara aftur á hostellið. Her var smekk fult av fólki, og eisini nógv av teimum, sum vit høvdu verið á Whitsundays við. Vit roksaðu við tey og dansaðu eisini. Tá klokkan nærkaðist 00, fóru vit yvir í McDonalds. Hetta var fyrstu ferð vit keyptu á McDonalds á okkara túri. Tá vit vóru liðugar við at eta ís, fóru vit í Mama Afrika, har dansur var. Her fylgdist vit fýra við fleiri frá túrinum og dansaðu allatíð. Tá klokkan nærkaðist tvey, fóru vit aftur á hostellið hjá okkum. Gurið, Malan, Una og Tom fóru at svimja, meðan Gunnvá fór í song. Tað blivu nógvar myndir tiknar í svimjihylinum - undirvatnsmyndir og hoppimyndir. Skeg! :)
Klemm Gurið og Gunnvá
- comments