Profile
Blog
Photos
Videos
Heey :)
Vit hava nú sovið okkara fyrstu nátt umborð á Atlantic Clipper. Vit blivu vakt kl.6.30 uppá tann skegasta mátan. Ein maður gekk runt bátin og gjørdi hønu og hana ljóð. Tá øll ikki komu upp, byrjaði hann at syngja - hann sang faktiskt yvirraskandi gott :) Tá vit høvdu etið morgunmat, var klárt at fara á Whitehaven-strondina . Hendan strondin er søgd at vera tann næst vakrasta strondin í heiminum, og vit sóu beinanvegin hví. Hon var so heilt ótrúliga vøkur; sandurin var krita hvítur, og tað bar til at busta tenn við honum, av tí at hann var so fínur í tí. Gurið bustaði tenn við honum, og tað virkaði faktiskt :p Beinanvegin vit komu í land á Whitsunday, skuldu vit ganga í gjøgnum skóg fyri at koma til eitt 'look out point'. Tá vit komu niðan hertil, sóu vit tað vakrastu sjónina - vit sóu yvir hvítar strendur, harímillum Whitehaven. Eftir at hava verið her eina løtu og nýtt tað vøkru sjónina, fóru vit fýra oman á strondina. Aftur hesa ferð skuldu vit ganga ígjøgnum skóg fyri at koma hagartil. Meðan vit ganga, bera vit eyga við fleiri leguanar, har nakrir av teimum vóru rættiliga stórir. So skjótt sum vit koma oman á strondina, leggja vit okkum at sóla okkum. Veðrið er so lekkurt hendan dagin; brennandi sól. Gurið orkar tó ikki at liggja longi, og fer gongutúr eftir strondini. Meðan hon gongur í havinum, sær hon fyrst eina stingray uml 1 metur frá sær. Ikki meira enn gingið eini 10 fet, er ein reef hajur beint við hana. Løtu aftaná koma Gunnvá og Malan til Gurið, og vit ganga aftur ein gongutúr út eftir strondini. Her síggja vit aftur ein haj, tó eitt sindur longur vekk. Meðan vit ganga, kemur "the sneaky russian" yvir til okkum. Tey kalla fotografin, sum er umborð á bátinum, soleiðis. Hann tekur so nakrar myndir av okkum, har vit millum annað skulu halda tí australska flagginum og hoppa.
Tá vit eru komnar aftur til har, vit sóla okkum, bestemmar Una seg fyri at fara ein gongutúr eftir strondini. Gurið fer aftur ein túr við - hon orkaði so illa at sóla sær. Aftur her síggja vit hajar. Hesir hajarnar vóru tó minni, enn teir vit dykkaðu við. Hesir vóru uml. 1 metur. Vit lógu so eina lítla løtu og sólaðu okkum, áðrenn vit allar fýra fóru gongutúr á strondini, har vit tóku nokk av myndum. So skuldu vit øll umborð aftur á Atlantic Clipper. Av tí at Atlantic Clipper er ein stórur bátur, sigldi ein lítur speedbátur í millum Whitsundays og bátin. Tá vit øll vóru komin í bátin aftur, fóru vit at eta; her fingu vit ymiskar salatir.
Tá vit vóru liðug at eta, sluppu vit so at snorkla. Speedbáturin silgdi okkum til eitt gott snorklustað. Her komu maskurnar og snorkulin, vit keyptu í Cairns, gott við. Vit sóu nógvir tropiskir fiskar, har í millum butterfly-fisk, surgeon fisk og parrotfisk. Meðan vit snorklaðu, vóru knappiliga hundratals fiskar rundan um okkum. Teir vóru allastaðni! Vit funnu útav eina lítla løtu aftaná, at starvsfólkini umborð á bátinum høvdu fóðrað teimum. Tey plaga at blaka mat út har fólk, ið eru við umborð á bátinum, snorkla.
Tá vit høvdu snorklað eina løtu, endaðu vit nokso uttarliga; tað vóru hópin av hvalspýggjum her, so vit skundaðu okkum inn aftur. Tá vit vóru komnar tættari at landi aftur, sóu vit fleiri fiskar eta eitt hvalspýggj - skeg at síggja. Man verður øgiliga tystur av at snorkla, so tí vóru vit noyddar at fara upp á 'strondina' at fáa okkum okkurt at drekka. Meðan vit standa her, síggja vit Saru frá Svøríki. Tað var hon, sum var umborð á bátinum ScubaPro III, har vit dykkaðu, og við í bussinum frá Cairns til Airlie Beach og búði á sama hostelli sum vit ;) Vit tosaðu eina løtu við hana, og so fóru Gurið, Sara, Una og Malan at snorkla. Gunnvá var blivin so køld av at snorkla, so vildi tí heldur sita í sólini. Meðan vit snorklaðu sóu vit ein moray, ið er ein stórur állur, sum býr í millum steinar. Vit snorklaðu ikki líka leingi hesa ferð, og fóru síðani aftur í bátin at sóla okkum.
Vit lógu og sólaðu okkum, inntil tey róptu okkum til døgurða. Døgurðin hetta kvøldið var spagetti bolognese. Eftir døgurðan fóru vit at spæla spøl. Her skuldu vit øll vera ílætin, ið ymisk skeg klæðir, sum vit fingu frá starvsfólkunum í bátinum. Tað vóru nógv ymisk spøl. Øll umborð á bátinum byrjaðu at spæla, og so fór man burtur úr, so hvørt sum man tapti. Spølini vóru ordiliga skeg, har man skuldi millum annað leggja seg niður á gólvið at ristast, renna frá eini síðu til síðu, rógva, gera bókstavir og nógv annað skeg :) Fredrik frá Svøríki vann spælið.
Eftir at spælið var liðugt, sótu vit á dekkinum og hugnaðu okkum saman við øllum hinum, ið vóru umborð, inntil vit fóru í song.
Klemm Gurið og Gunnvá
- comments