01.02.02.2013 Motutere

01.02.2013: Erwacht, go dusche und de halb Morge skype. Witter beni den rechtig Tongariro Nationalprark gfahre. Übernachtet hani den ufemne Campground zmezt i de Windness i dem Nationalpark osse. Und schösch nochli Informiert für de nächst Tag.

02.02.2013

Früh am Morge ufbrache rechtig Whakapapa Village. Für das gnaze med de Näme zverstoh brucheder wahrschindlech s`Internet oder zumedist Foti med de Karte droff. Ich han hüt de Tongariro Alpine Crossing gmacht. De Parplatz und de Anfangspunkt vom Track send ebe ned am gliche Ort und osserdem esch ned de gnazi Track wege momentaner Vulkanaktivität offe gsi. Also hani min Campervan i dem Village abgstgellt und ben los gloffe zum Startpunkt. 5:30 Uhr. Die meiste händ aber de Shuttel wo glaub am 7i vo ded fahrt und weder zrugg gno (Kostepunkt, ca. 30.-). Via d`Haupstrass beni den zum ca. 17km entfernte Startpunkt cho. Vo ded eschs den losgange uf em Track. Vor mer send ersch 2 Shuttelbüs doregfahre, so hani die chöne i de erste Kilometer vom Track, wos noni so steil gsi esch, öberhole. Es esch am Morge bem Ufstieg no chüel gsi und es hed e chlini Nebeldecki gah. Meter für Meter beni de Bergderuf „gwanderet". Öbbe i de Metti vom ganze Track, hed sech de Nebel verzoge und d`Sunne esch vürecho. Rundume kein Mensch in Sicht, hed sich das früeh ufstgah doch glont. Well de Track esch ein vo de berüemtischte Eintagswanderig vo de Welt und es esch ame fast wie offere Pillgerwanderig uf dem Ufstieg. S`ganze Gebiet esch uf Vulkanischem Grund, drum heds ab und zue nochli nach schwefel gschmökt und a de eint oder ander Stell us em Bode use grücht. Zoberstobe a cho med herrlichem Sunneschii undere unglaubliche Ussicht uf de Mt. Nguruhoe und all vulkanische spezeillgfärbte See. Nach und nach send emmer meh Lüüt ufecho. Wie gseid hedmer ned de ganz Track chöne laufe nome ¾. Zuesätzlich hedmer no chöne uf de Mt. Tongario, woni au gange bin wo die Lüüt all be de See gsi send. Atemberaubendi Ussecht gah vo ded obe. So gäg de früi Mettag beni den weder abwets gloffe. Bem Start resp. Änpunkt hani „norno" müesse zum Parplatzlaufe welli kein Shuttel bueched han. Dasmol hani ned de Wäg öbber d`Hauptstrass gno sondern de km mässig churzer, sozäge querfeldein. 9km sends no gsi. Nach dem ich scho: Hiwäg 17km, Track ufe und abe ca. 23km: 40km gloffe bin. Es esch eigentlech no gange aber d`Sunne hed recht abbeprennt und d`Schritt sind emmer schwerer worde. Aber nach dene ca. 50km gloffe, chline Blatere fürecho sind, super Ussicht gnosse han, beni doch guet bem Campervan acho. Nachher beni nochli wiiter in Norde und ergenwo südöstlich am Lake Tapo amne schöne Campingplatz stationiert.

Ich wünsch allne wo Skiferie händ e gueti und unfallfreii Ziit und natürlich speziell dene wo a de Schneebar in La Lecherette sind ;-)!!

Grüsse aus Neuseeland