Geschter simer nacheme rächt turbulente 20 minüte Flug u nachere 10 minüige Bootsfahrt im Camp acho.

U de rüefts scho ume: KnockKnock.....u ume isch Zyt zum ufstah! Es isch grademau 6h in der Früh!

Nacheme churze z'Morgemüesli simr ines Eiboumboot igstiege u z'friede dür z'Wasser u z'Schiuff polleret worde! Richtig erholsam u entspannend gsi!
Nach ca 15minute hets aber du gheisse das mr usstigege u ab geits ufene 2 ehaub Stündige Safariwalk! Heeeelpppppp

Nachere Siestapouse mit Elephante Highlight im Camp simr nomau zure Safari gstarteret!
Diesmau aber getrennt. Dr dänu het nomau ufene Walk wöue u i bi ufs Boot!

"Über ne grossi schleife dür wetland u chline wäudli heimr chönne e büffelherde aschliche. Dr stoub wo die grosse grasfrässer hei ufgwürblet gsehtme scho vo wit här. Chum heisi üs gschmöckt het die guet 150 tier e abwehrring biudet u ds frässe isch nume no 2rangig gsi. Mega! Wos büffle het si ds löie nid wit. Aber die hei nochli uf d dämmerig gwartet bis zum agriff. Viu glehrt u gseh. Grossartig!"

Zum Schluss simer auzäme nomau a Land zum SunneungergangBier ��