Nachere relativ unruhige Nacht (Enorm viu Tiergrüsch zmitts im Busch) simr bereits am 5.30h miteme fründleche KnogKnog gweckt worde! De hurti Morgetoilette u am 6h gits bereits z'Morge! Haubi 7 ni isch de oscho abfahrt uf d'Gamdrive mit TT.

Es Schwizerpaar het üs gottlob dr Tipp gäh das mr d'Jagge söue alega! Isch z'grächttem chaut gsi! Bibrbibr...

Chum ungerwägs bereits scho die erste Löiespure gsichtet! Dr Löi hei mr nonid gseh, drfür heimr scho gli drufabe 4 Hyäne Chinderr gseh wo uf d'Muetter hei gwartet wo isch go z'ässe bsorge! Die chline si rächt gwundrig gsi u de het dr TT geng ume müesse dr Motor alah damit si verchlüpfe u nid z'zuedrouchlech wärde!

Geng ume heimr gstuunet ab derä enorme Farbepracht i daem Okovango Delta!

De gli drufabe heimr e 8 Chöpfegi Frouelöiegruppe gfunge wo im Schatte plegeret het!
Es sig e Grossmuetter u ihri Tochter wo widerum 6 Meitschi gha het! We si so daliege si si knuffig wie Chätzli....aber äbe eue grad numeso zum luege ��

Na de Löie simer du iz Morge The Pöiseli...hei drbi chöne de Elephante zueluege u aui hei de ou nomau hingere Busch chöne gumpe!

De heimr no e Affetransport gsichtet...isch luschtig gsi wie die Müettere ihri Ching hei umetreit.

Nach däm spanende Morge simr ume zrügg iz Camp wos de e feine Lunch het gäh!
Nachere Siestapouse hetmesech de när zu Kaffe & Kuchen troffe u isch de ume uf Gamedrive gstartet!

z'Highlight vom Abe isch de klar dr Leopard gsi wo ume Boum obe gläge isch u womr de speter ou nochli verfougt hei um ne bim Jagge z'beobachte! Leidr isches aber du de scho spät gsi u fischter u de isch nüd gsi mit luege!

Chum zruegg ou scho ume ready zum Abeznacht!

U wie me uf de Photo gseht...mega Stiuvou ��
Das Machabcamp isch ächt i auem es Highlight gsi!