Na dr 2 te Nacht im Machaba Camp hani faschechli guet gschlafe!
Wöu am Morge isch uscho das ir Nacht die 8 Chöpfegi Frouelöiegruppe grad näb üsem Camp es Kudu griese u verspiesst hei!
Mir hei no dr Mageinhaut u nes Paar Chnöche gfunge wo de aber glidrufabe ou verspiesst si gsi wöu e Hyäne se no bedient het!

A daem Morge isch e SafariWalk ufem Programm gstange..u dr TT het gseit, solang mr d'Löie nid gseh hei gömer ou nid go walke!
Aber chum erwähnt simr dr Famely ou scho ume begägnet. Luftliniemässig grademau 200 Meter vo üsem Zeut entfernt! Schweissvonstirnwisch

Tja, iz heimr die choge Löie gseh u somit chame go walke! Ig ja nid wücklech begeistert.
Da nützt ou nid z'Gwehr wo dr TT mitgnoh het!
Aber i ha schwein gha,.....dr TT bechunt e Funkspruch...die angeree hei e Wilddog Famely gsichtet! Die sige schiins u seute zum gseh...u de heimr üs müessä entscheide!
Walk Safari oder Wilddog sueche!... I säge nume MERCIIII WILDDOG'S...die heit mr vorem Walk gretett! ��

Nachere churze suechi u Funksprüch schüpeter heimr due de die Famely ou tatsächlech gseh!
Isch dr Hammer gsi...ca 4-5 grossi Wilddog's u de no 4 chlini. Sie hei es Tier verschpiesse u si de drufabe go trinke az Wasser...die angere Safarifahrer sine gfougt! Aber mir hei wöue warte!

Rund ume Räschte vom Tier heisech D'Geier ufgreit! Es het viu Gedoud brucht vo üßere Site här, aber es hetsech glohnt! Chum hetsech ei Geier häregetrout si Ihm die angere ou gfougt!
Inerhaub chürzischter Zyt heisech mind. 30 Geier ufe Räschte gestürzt!

Bim zrüggfahre zum Camp simr de nomau de Löie begägnet...de no huti packt u scho ume het is dr TT zum Flugzüg bracht wo ou scho bereits uf üs gwartet het!