Sodeli, wöimr luege öb mr hüt OHNI Geud u nume mit Charte zu denä VictoriaFall chöme!
Wird evt nid sooo eifach! Hie in Zimbabwe wöi si nume US Doller oder SouthAfrica Geud!
Hei scho geschter bir Ireis es Dilemma gha wöu die Herre bim Visum vergäh zersch üsi aute Doller nid hei wöue! Aber nach langem gstürm heisie du doch gnoh. Besser aus nüd heisi schlussendlich eue dänkt!

Und siehe da, wie scho fasch vermuetet het das NID klapperet! Womr mit dr Charte hei wöue zahle hets gheisse "sorry iz broken" we need cash! U logischerwie hei si ou üsi Doller nid wöue!

Auso, ume zrüggloufe u go Geud uselah! Würg ��u das bi fasch 40 Grad näb dr stpubige Strass!

D'Fäll si dr Hit...het meh Wasser gha aus mr dänkt hei! E Sunnebrand hets ou ume gäh....isch ja wider um die 35 Grad gsi! Aber egau ��

Iz Mama Afrika es späts z'Mittag go frame u de no go Züg luege wo grad si igfahre! 1x Güeter u 1x Personezug! Ha de no mit de zwe Lokführer parlaveret! Isch luschtig gsi! Hätt uf die geubi Lok dörfe has aber de nid gmacht! ��

Bim Apero ufem Baukon heimr no de Wieudschwein u de Paviane zuegluegt!

U so isch dä Tag ou widr ume u Morn geits bereits witer richtig Botswana!
Mir wärde um die 10 ni abghout! Das wär ömu dr Plan...mir wärdes gseh!