From Moremi Crossing Airstrip to Maun
Perfekt...die chline Flugis si ume pünktlech!

From Maun to Johannesburg
bim checkIn in Maun scho die erschte Problem,
Dr Computer geit nid u somit müessemr z'Johannesburg ume go Gepäck abhole u ufgäh!
Vorfreud isch RIIIIIIESIG! Mir hei in JHB grademau 1 1/2 Stung Zyt. Wird sicher spannend!

From Johannesburg to Port Elizabeth.
Wie vermuetet isch ume z'weni Zyt zum Transfere mit Gepäck us- u wider icheckä! Grrrrr!
E Riese Schlange vorem Check-in u mir kei Zyt! De heimr haut müessä d'Euböge uselah u miteme Typ redä wo üs de het füreglah! Es het no uf Toilette glängt u scho simer i Flüger igstiege!

In Port Elizabeth glandet grad zum Outovermieter Herz ghechtet u e wisse Nissan Micra mit grademau 1'800 km i empfang gnoh! Einisch meh ufpasse bi some neue Chare!

De simer ou scho ready gsi u dank am Garmin u am Dänu sine Fahrkünscht ou sicher u heil im Sta - Plus Guesthouse acho u vo dr Mara härzlech i empfange gno worde!

De heimr no grad hurti müessä uf Ichoufstour startere wöu ja morn Sunnti isch!
Auso ume ab iz Outo u zum nächschte Läbesmittulade!
Grad es paar Hundert Meter witer scho fündig worde u grad no e Takeaway Pizza mitgnoh!

U so geit dä Flügertag z'Änd u mir freue üs ufes Abentür ar Gardenroute!