Ui itz isch das scho bau e Monet här dass i ds letscht mau ha gschribe. U vorauem o no e ganz e angere Kontinent. Damit i doch vo jedem Tag no chli öppis cha ufschribe, gits itz haut afa mau e Zämefassig i Stichwort, süsch chumi äuä nie nöime häre...

24./25.11. Durras North

Ulla Dulla (Cheese and Bacon Roll), Kängus näb dr Strass, Kängus ufem Campingplatz, überau Kängus, Lagerfür, Possum,

Discovery Trail, am Strand entlang, Räge, begossni Kängus, d Nase vou u ab i Weste

26.11. Toccumwal

ändlosi Bärge u fasch ke Most me, gäge Weste geng wie schöner u när glich wieder Räge, ändlosi Weizefäuder, Wueuche u Rägeboge, hässleche Campingplatz direkt näb dr Wang mit em Müll u em Klo derhinger, es Bierli im Pub u no meh vor im Eddy zum dr Fruscht abespüele

Halls Gape, Grampians 27.11.

no meh Fäuder u plötzlech Höger, Campingplatz näb dr Wiese mit de Reh, Kängus und Emus, doofi Kakadus u no dooferi Frou wo se fueteret, Lagerfür

Port Fairy, 28.11.

Kater, Visitorcenter, Grand Canion, Ussichtspünkt, no mau dr glich mit weniger Wueche, ufe Vulkan, nomau härzigs Käffli mit hässlechem Campingplatz

Cape Otway, 29.11.

Bartföteli zum Zmorge, Great Ocean Road, Sunne bi Bay of Islands u Räge nach de 12 Apostels, Japanerallergie, Koalas am Meter, ke Empfang zum gratuliere, Lagerfür

Kenneth River, 30.11.

Räge, nassi Koalas, Apollo Bay, Kenneth River, Rundi über d Great Ocean Road bis zum Lüchtturm u zrügg, Sturm, Sunne, Räge, Koalas, hässleche Camping, gratis W-Lan (KL Hotel sueche)

Melbourne, 1.-3.12.

trotz em Wätter zum Skywalk, Schwein gha u nid nass worde, ab uf Melbourne, Campingplatz gits nüm, anger isch nid so übu u fasch vou

Putzaktion, Carwash, letschts Bier gschänkt becho, Abgabesteu füre Eddy isch ganz am ne angere Ort aus im Büechli steit

am Morge auso früecher uf, Räschte Food loswärde, zum Flughafe, zur Abgabesteu, mit em Tram id Stadt, umewirre, Gratisbus hautet nid a, Gratistramrundi, Kebap, Bier bim Platz mit de Wiehnachtsböum, zum Hafe, gschlossni Gseuschaft, doch no es Bierli, genau gnue Gäud für ufe Bus zum Flughafe, Busbillet vernuuschet, bim nächste Bus wieder gfunge, itschegge, I have verry good news for you...

KL, 4.-9.12

4. tatsächlech Business Class, Roledürsuechig am Zoll, ändlos warte ufe Flüger, bau ersch am Füfi i Flüger istige, es Cüpli zur Begrüessig, Big Bang Theory, Schlafsässle, feins Ässe, viu zfrüeh fertig, Bus sueche, glich ufe Zug, Hotel sueche, ändlech finge, ersch am Abe wieder use, tüürs Ässe u Bier im Swiss Inn, besser zu de Chinesische Restaurants am Strasserand, Asie isch wiud!!!

5. lang schlafe, Internettle, Wätterbricht luege, was mache mr aus Nächtschs, Chinarestaurants, Monkey Inn, UIIII!!!

6. Hotel verlängere u süsch fasch gar nüt

7. Gäud hole zum Hotel zahle, Zmorge ässe, ufe Bus hoppe, bim KL Tower drab hoppe, ufe gad d Ussicht sueche (scho wieder i de Wueche verschwunde), e Station witer hoppe, zu de Petronas Towers düre Räge, komischi Pizza u komplizierts Usegäud, nomau witer hoppe, ma nüm, mau es Bierli nä, wieder mau i Mac, spaziere, dr anger flügt mit em Töffli dür d Absperrig, steit zum Glück grad wieder uf, süsch louft gloub doch nüt hie, wieder zrügg u per Zuefau no grad ufe letscht Bus chönne hoppe, Fürabebierli mit em Büsi ungerem Tischtuech

8. no mau Hotel verlängere wüu am 9. ke Zug chasch bueche, Zug für am 10. bueche u Hotels in Georgetown sueche, no chli umetigere u scho wieder Fürabe

9. z Fuess Richtig Little India, ändlos Lüt um d Moschee, feini Naans ässe, zieulos witer loufe, mau ufe Monorail, no mau sinnlos ume loufe, hei fahre

Georgetown 10.-14.12.

früeh uf u ab zum Bahnhof, plöuderle mit em Holländer, Zug sueche, warte bis me ändlech ufs Perron cha, Zug fahre, Nachabarins Ching luege bim Angry Bird zue, i luege Role bim schlafe zue, Butterworth - usstige, Fähri sueche, Münz sueche, ke Ahnig wie das hie funktioniert, übere schipperele, dür die haubi Stadt zum Guesthouse ir Lovelane, mau uf d Piste, Bier ir Reggeabar, d Pommes chöme nid auso witer, zum Banana Hotel ga Znacht ässe, ganz gruuusigs Lammfleisch aber feine Fisch, no eis ga zieh bir Mona Lisa, eine louft düre u chöderlet mi u die näbe dran a, bsoffnige Schott fingt mir söu zu ihm u de Finne hocke, Schott schiebt, Chartespieli mit de Finne, abmache für am nächste Abe SkipBo spiele, ganz viu Bier trinke, irgendwie doch no dr Heiwäg finge

ufwache mit Chopfweh wüu d Goofe näbedran umeseckle, irgendwie doch no bis churz vor 12i witerschlafe, ustschegge, losloufe, läck isch das heiss! Ungerwäx ine Beiz, Gingertea u Chäsröueli nütze chli, trotzdem hets hert zum witerloufe, Hotel sueche, isch niene agschribe, Trischafahrer kennts o ni, a doch, isch ganz neu u hinger dr Chocolate Boutique, ändlech gfunge, im Gärtli warte bis mr chöi ds Zimmer bezieh, vom ne komische Ängländer la vouquatsche, ändlech ga liege, Räge wiene More, isch üs glich, glich mau öppis ga ässe, no mau zum Banana, dummerwys es Pouletplätzli bsteue, ke ässbars Fleisch dran, geng no Hunger, Dessert gits kes, Knoblouchbrot, ga luege ob d Finne dert si, sie warte scho, auso haut es Bier, dr Servierer steut scho d Harasse für die lääre häre, SkipBo, ds angere komische Game, no chli plöiderle, u d Harasse isch tatsächlech no fasch vou worde!

Zum Glück hei mr es gäbigs Hotelzimmer, chöi mr no mau verlängere, wüsse eh nid was süsch mache, chli Zmorge ässe (Bananabrot), dür die ganzi Stadt latsche, am Abe zum Inder, Riesenaans u nächhär Buchweh, aber soooo fein, no es Bierli im Hotelgärli u trotz em Gjammer vom Foodcourt näbedran versueche ds schlafe.

Gäbig Bananabrot lade, Hotel für am nächste Tag sueche, doch no es zaubars finge, schlächts Wätter auso kes Töffli drfür ga ds Ichoufszänter sueche, sich im Komtar verirre, Starbucks, süsch no chli umelatsche, Post entdecke, dr Wäg zrügg sueche, zum Glück o finge, angere Inder teste, wieder Buchweh aber soooo fein, id Strass mit de Pubs es tüürs Bier ga nä, cha nüt, auso mau i dä Red Garden näbem Hotel wo geng so Lärm macht, vo hie us isches no lustig, auso no es Bier, u no eis... jetzt isch dr Sound fertig, de chöi mr mau ga liege.

Tanjung Bungah, 14.-16.12.

So lang wie müglech schlafe, trotz dr Bousteu vor dr Hütte, am 12i ustschegge, mau uf d Post schliiche, öppe e Stung bruche für nes Päckli ds bastle u ds verschicke, zrügg zum Hotel, Taxi bsteue für uf Tanjung Bungah, ds ganze Kaff ablatsche, ichoufe, Fläck vor de Ouge, geit wäg bim liege, wieder zum Inder, dasmau unfründlech u nid ganz sooo fein, no chli spaziere u dr Fernseh im Hotel usprobiere

eigete Chüeuschrank u Wasserchocher auso säuber Zmorge bastle, ab ufe Bus uf Batu Ferringhi, feins Käfeli, dürs Kaff loufe u Hotel sueche, dr Egge mit de Guesthouses finge, zmeiste gseht nid so toll us, eim Ort wär am Samsti no frei, chönt grad drü Tag bueche, isch aber o nid so toll, ds zwöite wär schöner, aber ztür, auso witer loufe, nüt reserviere, am Schluss ir Beiz am Strand lande bis mr finge, itz sueche mr besser mau dr Bus, Bier ir Kneipe vom Ingo wüu mr hei müesse ga bisle, ichoufe, im Hotel uf em Baukönli hingere Biervorrat mit früsche Banänli, Rambuthan u Noodlesoup aus Bettmümpfeli

ds Hotelzimmer gniesse, Role geit ga poste u versuecht ds verlängere, isch aber usbuechet, suecht Internet am Pool, dert isch gschlossni Gseuschaft u Affetheater, Internet geit nid, haut hoffe, dass mr am nächste Tag o so öppis finge

Batu Feringhi, 17.12.

Bezite uf zum überlege was mr wei mache: Outo miete u schöns Plätzli ga sueche, uf Ferringhi ga luege für nes Bett oder zrugg uf Georgetown? Internet geit geng no ni, isch auso keh Hiuf, mau ustschegge u luege für nes Outo, dr Vermieter isch bis am 13.30 im Mittag, auso doch kes Outo, Bus uf Ferringhi u i das Hotel ga luege ob öppis frei isch, usbuechet, nume eis näbedran het no grad es Zimmer, warte uf Check In Time, ändlech ids Zimmer, megahässlech, schnäu wieder use, mit em Bus ids nächste Kaff ga luege, mau düreglüffe, härzig aber cha o nid viu, zrügg uf Ferringhi, ga Internet sueche u luege für nes Zimmer ds Georgetown, Cabana isch no frei, yeah! bezyte ga ässe wüu mr nid im Hotel wei si, wieder i di glichi Beiz am Strand u am Schluss öppe 200 Stutz versoffe!

Georgetown, 18.-21.12.

Rusch usschlafe, wieder am gliche Ort ga Check In Time abwarte, ufe Bus uf Georgetown, back to Cabana, ds Zimmer isch das mau aber nid e so schön, bim Dusche wird ds haube Zimmer nass, chli ids Gärtli hocke u umesurfe, müesse schliesslech mau usefinge wo mr när häre wei u chöi, zur immer voue Tandoori Chuchi ga ässe, äs Bierli für im Gärtli, dert no dr Carlsbergvorrat vom Hotel fasch usmache, geit no knapp unger eiBierTag...

mau bezyte uf, wei ufe Penang Hill hüt, vorher müesse mr aber bueche, geit lang, wüsse ja nid wo häre, cha fasch nume Koh Lanta si, aus angere isch ds kompliziert, Hotel im Netz u Bus grad ar Rezeption buechet, itz müesse mr no ds Zimmer wächsle, zum Glück, das isch viu schöner, grösser, lat nid ine u het sogar e Fernseh mit DVD, jetzt aber los, aber wohäre, itz rägnets nämlech! Auso i Tesco, Bus mit Tesco agschribe chunt o grad, fahrt ganz komische Orte häre u macht ständig Kreisli, git anschiinend no e angere Tesco uf dr angere Site vor Stadt wo me e Stung het zum häre fahre mit em Bus, he nu, hei ja süsch nüt ztüe, chli schöpperle, wieder e Stung zrügg fahre, düschele, Role verchrösets no, itz isch aber Zyt für zum Inder, soooo fein u wieder Buchweh, zur Monalisa ga nes Bierli nä, oder o zwöi..., dr Chines wott üs no uf ne Sake ilade, immerhin wär d Harasse dasmau ni so vou, drfür no eis für im Gärtli und itz aber ab ids Bett!

Hüt hei mr ja das tiptoppe Zimmer u müesse nüt, herrlech, mau chli DVD luege, umeliege, ab und zue abe, es Süppli ässe u es Käfeli schlürfe, chli Blog schribe u itz de mau ga luege dass es öppis Znacht git. Wele Inder äch dasmau?