So, ändlech si mr ungerwäx! E strängi Wuche hei mr gha, agfange mit em Budeabschluss-Apero u ufghört mit ere Putznachtschicht bevor mr üsi Wohnig letscht Samsti hei chönne übergä u ids Eichhouz zügle.

Hie hei üsi Ferie agfange uds erste grosse Erläbniss isch üses Abschiedsfestli ir Bronco Loge gsi - merci viu mau übrigens no de Kunz-Froue u em Jüre für die kulinarischi, bierischi u musikalischi Begleitig! Ah und hie isch übrigens no e Reisebegleitig zu üs gstosse: passend zu üsem tasmanische Tüfeli vor angere Site vor Wäut hei mir üses Chueli aus Erinnerig ad d Schwyz übercho - merci Steffu! Nach dr Afterhour im Silo - merci Simu - hets ufem Heiwäg im Taxi dr Name Vreni übercho u ds Tüfeli isch uf Housi touft worde. Ihri Abetür chöit dr uf Facebook verfouge: http://www.facebook.com/media/set/?set=a.293608687319684.87080.100000116653377&l=273f601c5a&type=1

Meh über London u üsi turbulänti Akunft ds HongKong am Abe nachem Taifun gits später, itz afa mau chli use...