Ume Sunnti u nid auzuschöns Wätter...was chame da bessers mache aus plegere!
Sie mitem Outo a zwe verschiednegi Stränd gfahre u si dert chli go loufe.
Wärend dr Eppezyt isch das öpis gäbigs ��

De simer no hurti go kömmerle & eis go zieh!
De hei iz Gaestehus üs go schlau mache wo mr morn härechönte bevor mr uf Hermanus gö!

Am Abe simer du iz "Route 57" go främsle! Das isch e Beiz wo emene bekannte "Goufer" ghört!
Hei dert fein & gediege gässe u si de miteme voue Buch nach ca 3 Std hei! D'Servierdüse het gmeint mir heige nüd z'jufle hüt Abe u drum het si d'Houptspiess bschtellig ersch ufgnoh womr mit dr Vorspiess si düre gsi!