Hüt Morge heimeris Zyt gnoh u si ersch so um die 11fi ume witergfahre iz Landesinnere!
Wöi nomau chli go d'Wygägend aluege!

Isch ume ungloublech wie hie d'Landschaft grad ume extrem angers isch! Grossi Farme mit riesige Maschine u d'Wygüeter mit ihrne grosse Räbbärge!

Z'Wätter het hüt nid so richtig wöue...zwüschine hets ou mau grägnet! Es isch ou rächt chüeler worde!

Hie in Robertson simer imene Backpacker ungercho aber imene 2er Zimmer mit eigenem Bad!

G'ässe heimr ou grad ir Ungerkunft wöu me ja da darf d'Chuchi bruche! Pie & Gurkesalat hets gäh! Uz Glas Wy het natürlech nid dörfe fähle!
Mir hei e kurzwilligi Ungerhautig gha dürne angere Gascht wo vo sich u sim Gschäftsreisli verzeut het! Isch intressant u ou witzig gsi!