Mir si doch scho laaang nüm go loufe, drum heimr dänkt das mr doch das grad subito söte nachehole! Gesagt getan....scho simer vomene Taxi im Guesthouse abghout worde u für 120 Rand ca 15 Minute ine Bucht userhaub gfahre worde! Dr Taxichauffeur isch e coole gsi wo viu het wöue wüsse u womr e churzwillegi Taxifahrt hei gha!
Er het üs de bim Start vom St Blaize Trail abglade u üs viu spass gwünscht bi dr Wanderig! U mir söue de ch li uf d'Schlange gschoue !

Ca ir Heufti simer im Gouferrestaurant go ichere u hei es "Hunter Dry"mit gnuss trunke!
Das loufe git schliesslech durscht! De simer witer ufem Trail u hei schweing gha das mr nid vomene Goufbau si erschlage worde! Haarscharf isch sone Böle am Dänu vor dr Nase düre ufene Stei gheit! Si schön verchlüpft! Ca 3 - 4 mau spiele d'Goufer e Abschlag übere Wanderwaeg hinwäg! Auso ächt gfährlech für d'Wanderer! "Schweissvonstirnwisch"

De nach ca 13 Kilometer simer nacheme Abstächer fürne Schatzsuechi (ume erfouglos) im Gäschtehus ume acho! D'Bsitzer vom Gäschtehus si beidruckt gsi! Schiins wandere 80% vo ihrne Schwizergäscht geng die voui Strecki! Mir hei auso dr Ruef vo de Schwizer ufrächt erhaute!

Chum Duschet heimr de ou scho gli mau hunger gha! Wär erschtunts nach sövu Wanderkilometer!
Am Dänu z'lieb simer iz "Sea Gsypsi" (Hafebeizli) damit er öpis fischigs cha främsle!
Isch e spezielli u luschtegi Lokeischen gsi!