Nachere schir ändlose Flugnacht simer just in Time z'Johannesburg glandet!
Yeees, das längt iz no guuuet für üses Gepäck umzlade ��

Ja denkste....es het angers söue cho!

Hie in South Africa loufe d'Mühline no lengsemr aus bi üs z'Bärn!
Heimr de schneu mau gmerkt.

Es het kes Fingerdoc gha, Nei, mir hei ine Bus müesse umstiege u da sie eue z'weni Buse hei gha heisi so 9Plätzer igsetzt! Peeerfekt...heimr dänkt u si subito igstiege!
Fataler Fehler! ... Dä lieb Driver het üs doch tatsächlem am fautsche Ort useglah.
Mir sie inecho vom Roufeud wo die angere hei use wöue für i Flüger!
Somit simer ohni Kontrolle u Gepäck ( Ohni wchtige Stämpu) in South Afrika acho!

Toll... U wie chömemr iz zu üsem Gepäck? ....hirn ,grübel..u es paar Frage hie u da u please löht üs düre...simer plötzlech dürne Hingertür bir Zoukontrolle gsi!
Aber das isches nonid gsi... Iz für ca 400 lüt grademau 6 Schauter offe! .... Genau, nachere
Gschlagene Stung heimrs ou dertdüre gschafft...ir zwüschezyt heimr chum me Zyt für üses Gepäck umzlade.... Aber Gottlob...es het üs glängt....u somit heimrs dochno uf üse Flüger nach Windhoek (Namibia) gschafft! *schweissvonstirnwisch*...

Drfür e freudegi Überraschig z'Namibia, es het schone Taxidriver mit üsem Namesschiudli gwartet u somit simmer subito schneu i üsem Elegante Gaesthouse acho! Ungerwàgs scho di erschte Affe am Strassserand gseh umhange u e veritable Steppebrand heimr oscho krüzt, derfūr stinke itze tshirts wine sou.

Uuffff, gschafft vor hektig öb mr das schaffe iz am Käffeli im Garte. U überlege womr hinech no wöi go ässe!

Morn wärdemr vo üsem Reiseführer abghout für üsi Reis dür Namibia ��