Üse Driver isch überpünktlech üs cho abhole!
Er het sech aus Harold vorgsteut u er isch e "Herero" us dr Kalahari!
De simer no 3 witer Päärli in Windhoek go abhole!
Schlussändlech simer 4 Schwizer & 4 Dütschi gsi! U mir si die Jüngschte gsi!

Es paar Stung später simer nach ca 450 km dür Stei u Wüeschti i üsere
1. Loge (Etosha Safari Lodge) guet, aber ou müed acho! Für die nächschte 2 Nächt düemr hie logiere!

Chum itschegget simer ou scho uf d'Pirsch!

Hei scho am 1. Tag meeega viu Glück gha!....Gsichtet hei mr unger angerem, Zebra, Gnus, Kubu, Giraffe es Nashorn, Elephant u sogar no e Löi zum Abschluss!

Am Abe heimr fein vom Buffet gässe! Geng zum z'Nacht simer au zäme ghöcklet...ou dr Harold üse Driver isch meh oder weniger bi üs gsi! Je nach Ortschafft het Er Lüt kennt u de ischer aube no i Usgang! Er ischja ersch 33 gi ��