Am Morge simer beziehte uf das mr wenn müglech OHNI grosse Gägeverkehr übere Swartberg Pass chöme! Mir wüsse scho iz das mr lieber e MICRA mit meh Bodefreiheit bzw grössere Redli hätte....��

Bye the Way.....am Morge simer vom Helikopter gweckt worde wo e Fium übere z'Stedtli "Prince Albert" dreiht! ( Dr Louis het sech bi üs wäge däm entschudiget) ��
Chum simer ufem Wäg gsi het üs de dr Helikopter ou e bitzwit begleitet. Genau bis den wo üs 3 grossi Outo vor Filmcrew gkrüzt hei. Evtl simr de Statischte im nächschte JamesBond aber uf au fäu ou uf däm Fium mit üsere Schnupftruke! *lol*

Dä Pass isch dr Hit u mega GENIAL.....EIFACH AMAZING ... Aber das gseht me ja uf de Photos!
Ou Tierli ar Strass an sisech anschienend d'Outo gwöhnt! Sie heisech ömu nid gross us dr Rueh la bringe!

Chum dr Pass gnosse simer scho zum nächschte 7te Weutwunder gstosse de Cango Caves!
Das isch es Grottesystem wo X mau grösser isch aus aui die womr bishär gseh hei!

De isch ou scho Lunchtime gsi u mir si bim "Karusa" Wyguet zuche! Sie mache dert aber ou Bier �� de heimr es Chäsplättli für zwöi gorderet! Isch super lecker gsi!

In "Oudtshoorn" simr aber grad echli entüscht gsi vor Stadt u de simer grad witer gfahre nach Calitzdorp! Ou wieder es chlises Käffli jedoch nid so sweet wie z'Prince Albert!
Nachem Bsuech vor Touriste Info heimr ou schneu üsi Bliebi gfunge : z' Anna Sophia Cottages!
Super schöns Innegärtli mitere nätte Husherrin ��

Am Abe heimr super fein gässe im "The Red Hot Coffe Pot".. Cooli süessi Lokeischen gsi mit zwe Patrone wo üserscht sweet si gsi! z'Menu si üs vorgsproche worde u dr Pries heimr ersch am Schluss uf dr Rächnig gseh! �� Das Lokal isch früecher e Heimat gsi vonere jüdische Famely mit Innehof-Kiuche! Die isch hüt zure Bar umfunktioniert! Aber pssstttt.
Nacheme feine PortWy wo über 50 Jährig isch gsi simmer de gmüetlech heigschlenderet i üses Cottages!