Hüt heimr üme fein z'Mörgelet u si de gli drufabe uf üsi 1. Art-Gallery Rundi gstarte!
Schneu simer bim Damm obe gsi u hei de ou gli gmerckt das eue nonid würcklech Saison isch! Het nähmlech praktisch aus zue gha! ��

Drfür isch d'Landschaft ume idrücklech gsi mit de "Red Rocky Stone" am Schluss!

Nachdaem mr z'Outo verumt hei simer uf d'Walking "Port-Tour" gstarteret. Vorhär heimr üs aber im aute "Handelshuis" gstercht! Chicken pay mit Salat u zum Dessert es RIESE RÜEBLITURTE STÜCK!

Iz da mr ungerleit hei chöimr ou go teschtä �� Proscht!!!
Mit 3 Fläsche vo zwe Wygüeter ("De Krans" & "Boplaas") simr du heicho....u nacheme churze Pöiseli simer no ab id Chiuche.
Üsi Husherrin het gseit das au Abe am 6si e Manno wo "Doktor uf Musik" sig es Orgelekonzert gäb. Das heimr natürlech nid wöue verpasse.
Nachere Rundi um d'Chiuche äntlech es offnis Tor gfunge u ne nätte Manno het üs i Empfang gnoh! Er het üs e churzi History über d'Orgele verzeut wo 3 Brüetsche ano 1912 gspändet hei!
De heimr fasch es Stündigs Konzert dörfe gniesse mit grademau 5 wittere Zueloser! ( 2 vo Montreal, 2 vo Münche & 1 Iheimeschi)