Hüt heimr dr Fuuu gno.

gnüsslech wie e Chünig z'mörgelet mit Müesli, Rührei & Co u das im SelfCatering Modus ��
De heimr im warten Sinne des Wortes plegeret bis nam Mittag!
Musig lose u lässe bis a Bach abe u das Gärtli hie mit em super Wätterli eifach gnosse!!

De simr aber glich no ufene Husbärg Rundi! Mit Sunnecreme igschmiert, Rucksack agschnauet u ab geits...si aber nid soooo wit cho! Ufem Wäg hets es Beizli gha wo dr Dänu uuunbedingt het wöue ichere! U das nach ca 5 Minute! Lol
Nachdäm mr e feine Appelpie gnosse hei simer de dochno ufe Husbärg cho...dobe ufem Bänkli d'Ussicht gnosse.

De ume zrügg im Dorf go kömmerle! Mir hei gmerckt das mr scho sit ewig kenner Teigware me hei gha, u da mr i üsere Ungerkunft e Chuchi hei isch üses z'Nacht schneu planet gsi!

Nacheme feine z'Nächtli dr lau (grad 10 Grad wermer aus Geschter) Früehligsabe im T'Shirt gnosse verusse im Gärtli miteme feine Amarula zum Abschluss.....prost

Morn gömer hie nach zwe Nächt ume witer mit ere schöne Erinnerig a das härzige Dörfli "Prince Albert"