Die letschte zwe Nächt heimr ir "Solitare Country Loge" verbracht u
Geschter heimr früeh uf müsse da mr iz Sossusvlei uf d'Düne ufe hei wöue! Abfahrt isch 5.30h gsi mit Fahrt dür die dunkli Nacht! (z'Morge heimr im Lunch-Packet mitgnoh)
Leidr isch genau a däm Tag Räge agseit gsi. Sie hei hie sit em Januar nid einisch Räge gha! für Sie isches natürli dr Hit, aber für üs isches chli schad gsi. Es het de du zwar nid gross grägnet, aber z'Liecht isch natürlech nid grad dr Hit gsi für Photine bi de rote Dünne ��
Mir si de no uf Dünne mit em Name "Big Mama" glüffe (wöu dr "Big Daddy" z'höch wär gsi)
U de heimr chöne 90 Meter obe abe SCHLITTLE...RENNE...GUMPE... oder wie ou immer....

Dunger acho het üs dr Führer vor angere Gruppe no e Scorpion zeigt wonr im Sand het usgrabe! Ou scho im Sossusvlei het er e Geko für üs usgrabe u viu intressants drüber z'verzeue gha!

Aschliessend heimr no dr Sesriem Canyon bsuecht. Dä het ou beidruckend ussgseh u ne riese Chäfer gha wo dr hätti chöne id Ouge sprütze u de de zum Dotore hättsch müesse!
Ufem Waeg zum Canyon heimr no Paviane gseh!

Am letschte gmeinsame Znachtässe heimr üsem Harold no es Gedicht vortrage u nim es Gschänkli gäh! Es het ne sichtlech grüehrt gha! ��

Gedicht:
----------

Lieber Harold

Die Reise mit Dir war wunderbar,
Wir sagen alle OKUHEBA

Wir sahen Elefanten, Giraffen, Gnus im Park von Etosha,
auch das eine oder andere Zebra,
Wir sagen dafür OKUHEBA

Wir besuchten Damara, Herero, Owambo und Himba,
sie alle tanzten für uns prima.
Wir sagen dafür OKUHEBA

In Swakopmund war raues Klima das fanden nicht alle prima,
Dafür "nur" ein kleines OKUHEBA.

In der namib Wüste stiegen wir auf auf die "Big Mama",
unsere Zunge hing heraus wie bei einem Lama,
Wir sagen dafür OKUHEBA

Manche Fahrt war wie bei der Ralley Paris Dakar
OHNE Reifenpanne - ist doch klar
Dafür ein GROSSES OKUHEBA

Dies alles ist nicht gelogen, Sondern wahr!

Darum OKUHEBA, OKUHEBA, OKUHEBA

26.09.2014
Hüt Morge heimr mau ume dörfe usschlafe, abfahrt isch ersch am 9.30h gsi.
Es het die ganz Nacht grägnet! Üse Harold het sicher guet tröimeret bi däm Rägewaetter ��.
Uf dr Fahrt uf Windhoek heimr mängem Wasserloch müesse uswiche...dr Chare gseht dri wie d'S....!

In Windhoek acho simer no id Diamante Fabrik! ...isch aber nid gfährlech gsi fürs Portemonnaie..das Geklunker isch nid so üses Ding ��

De simer vo Hotel zu Hotel weniger worde bismr am Schluss üs ou vom Harold hei müessä trenne. Het e schöne Abschied gäh mit Umarmig!

Dr Abe heimr du im Guesthouse verbracht wöus gschiffet het wie blöd u üsi bevorzugti Beiz isch Usbuecht gsi.
Hei du de dr Pizza Kurier la cho u no e Fläsche Rote trunke bis mr ume müed vom Tag u em erläbte si ipfuset ��