Nacheme witere feinez'Morge simr ume gstartet zu üsere nächschte Loge Namens Twyfelfontein!

Ungerwägs simr aber bi diverse Attraktione zuche wie zum Bispiu bim versteinerte Waud.Die Böum (Pinien) si vor Millione vor Jahr i das Gebiet gschwemmt worde. Das Houz isch richtig versteineret gsi u ou so schwär wie e Stei! Es git dert ou e gnüegsami Pflanze Namens "Welwitschia mirabilis" die trotz extremer Trocheheit au Jahr 1 Zentimeter wächst u d'Wurzle 40 Meter i Tief aberagt! Die Pflanze cha bis zu 2'000 Jahr aut wärde!

Witer simr no ane Ort wos Rock-Art het gäh... Ou dert heimr e Rundführig gmacht miteme Guide! Er het üs drüber verzeut! Es isch dert aber soooo krass heiss gsi dasmr si froh gsi das mr ume i klimatisiert Wage hei chöne stiege!

De simr no huti go dr verbrönnti Bärg go luege! (Da isch d'Lava so nöch ar Oberflächi gsi das es dr Bode verbrönnt het) u d'Orgelpfeiffe us Basalt si e geologeschi Bsunderheit & über 120 Millione Jahr aut!

De churz bevor mr id Loge si heimr no z' Damara Museum bsuecht! Dert hei si üs zeigt wie sie läbe u das si ke Chrieg sondern dr Konflikt miteme Spiel düe entscheide!.... Isch ou sehr interessant gsi... Hei ou zeigt wie si Schmuck vo Hang mache u somit hani nid chöne widerstah bim Craftshop näbedürezloufe! ��

d'Loge isch nume haub so toll wie si usgseht, iz womr mau Zyt hätte hets kei Pool ��
Drfür chame z'Ässe rüeme u d'Arbietig vom Personal. Die hei nämlech hurti e Showilag bote!