Mir hei dörfe ire super tolle Loge d'Nacht verbringe! Isch dr Hammer gsi!
Schad heimr nid lenger chöne bliebe!

Aber dr Ungerschied zwüsche Iheimische & Tourischte isch dert krass gross gsi!
Unger im Dorf isch ei Blächhüt ar angere gstange u es het extrem viu Lüt uf dr Strass gha. Herero's Froue mit ihrne WUCHTIGE tolle & schöne Chleider näb de Himba's u de ganz normau agleite Lüt! U de isch me vom Dorf ufe Hoger ufe gfahre u het dr sagehaft schön Usblick mit tolle Hüsli-Zimmer chöne gniesse....bilder sprechen für sich!

Leider geits iz nid nach Plan, mir söte nach Reiseungerlage die nächschte zwe Nächt am gliche Ort pfuse.....aber anschienend hets Platzmangu u üsi Gruppe muess uswiche!
Grad gross begeistert simer nid, aber mal schauen was da kommen mag!

Chum heimr usschtegget simer ou scho im "Himba-Dorf" mir hei e Füherig u dörfe aus luege u alänge u phötele...grad wie mr wöi! I ha mi chli zrügghaute mit de Photo's, wöu i mir chli blöd vorchume... Isch faschechli wie im Zoo.....extrem gseit!

Dr Guru vo däm Dorf hetis Begrüesst u üs Sache erklärt aber aschliessend het ume dr Guide witergmacht!...isch aber extrem Intressant wie die Lüt hüt no läbe eifach so ohni Nüd!
Ächt Krass!

Nachem Himba-Dorf simer sozäge numeno gfahre...gfahre u nomau gfahre! Im Ganze heimr 452km im Outo zrügg gleit.(u e GROSSE TEU uf Schotterstrass) isch e asträngende Tag gsi nume so bim umehocke im Outo...Abwächslig si die Behusige gsi womr si dra verbicho oder es Esurennä u vieli Tier wo immer ume hei z'Gfühu gha si müesse üs vorem Outo düreloufe ��aber drfür het üs när d'Loge womr hei dörfe Nächtige fasch umghoue!

d'Afahrt zur Loge isch es Abentür gsi....mir hei müesse usstiege u dr Harold het nomau hingerzi müesse go alouf hole!,,, aber er hets gschafft! BRAVOBRAVO....

U wie scho am Afang gseit, d'UswichLoge het sech us Troumplatz usegsteut....sigs vor Lag, Ussicht oder am super schöne Bungalow...eifach dr OBERHAMMER ...däm wo isch i Sinn cho dert e Loge härezsteue isch GENIAL gsi!

Mir hei nume hurti üsi Koffere iz Zimmer gsteut u si när grad los für uf d'Terasse go dr Sundowner gniesse u phötele! Echt krasse Usblick dert obe!

Nam z'Nach hani de no mi Päpu erreicht zum gratuliere! Schliesslech isch er 70gi worde!
U i ha glück gha u er het z'Phone in Kroatie abgnoh!