Hey friends

jetz si mir also ds Ouschtralie. Dr Flug isch guet verbigange, viu spiele u wenig schlafe!! Ds Dubai si mir am Abe am 11i acho, si verusse usgstige immer no ueber 30 Grad. Im Flughafe isch Betrieb gsi wie bi ues am Tag, ungloublich die Moenschemasse.Ds Perth si mir de gaege Abe bi herrlichem Waetter glandet. D Immigration het ues no schlimmer tuecht als ide USA!!!

Stellet euch vor churzermlig umeloufe u dusse Znacht aesse, eifach genial.

Am nächschte Tag hei mir ues de Velo gmietet u grad ae Tour uf Freemantel ungernoh. Hin u zruegg ca.65km. het guet ta nach so viu sitze. Si immer schoen am Swan River nache, um zig Buchte ume u maengisch o ueber Huegel. Uf de Outostrasse hei mir ues muesse konzentriere mit daem Linksverchehr.Isch ender gwoehnigsbeduerftig.Ds Freemantel het uebrigens dr Americas Cup stattgfunde, si hei fuer die bessere Zaehtusig aextra ae neue Hafe boue

Huet hei mir de uf Rottnest Iland woeue. Aber o ds Perth gits Raegetage u so eine isch halt huet gsi.Hei halt de Stadt no chli unsicher gmacht mit uesne Drahtesle. Si uf die anderi Site vom Fluss u hei so uf Siluette vo Perth gseh. Si duerne Park gradlet min. 10km laeng. Sehr suber u gepflegt. hei viu Voegel beobachtet, Kakadu, Pelikan, schwarzi Schwaen (si hie beheimatet)

Ga Znacht aesse si mir ines Steakhouse. Das waer fuer di Tinu, es Kilo Fleisch ire haub Stund verputze, 22 statt 44 Dollar!!!

So, morn verloeh mir Perth u fluege zum Ayers Rock.

Bis gli

Hei grad no ae Waetteralarm vom Aaretal uebercho, hi hi hi.....