Dear friends

Drei Tag im rote Zaentrum

nacheme holperige Flug si mir diraekt bim Ayers Rock glandet will uese Flug het Verspaetig gha waegeme tech.Defekt hei mir de dr Usflug zu de Olgas verpasst. Derfuer hets bi Champagner, Kamelwurscht u Chaes ae idrueckliche Sunneuntergang z bestune gae. Da si mir de nid ganz allei gsi. Da hets min. 20 Care, PW u Chlibusse gha, ungloublich die Lüt. De si mir zruegg ids Camp, wo d Choechin scho mitem Znacht gwartet het. Barbecue (Kaenguruh,Kamelbratwurscht, Kamelsteak)

Mir si frueh i ueses Zaelt verschwunde, am naechschte Morge isch am 4i!!!! Zmorge agseit gsi, damit mir de dr Sunneufgang bim Uluru punkt 6i nid verpasse. O das blibt unvergaesslich. Churz vor de 7i hei mir de dr Rucksack agschnallet u si loszoge. Am Fuess vom Uluru hei mir ae W

anderig ungernoh. Dr guide het ues de viu ueber d Aboriginals verzellt.mir hei nid doerfe foetele,will das eigentlich rundume heiligi Staette si vo de Aboriginals. Niemer het woeue ufe stiege, das isch o mueglich aber eigentlich soettme us Respaekt nid.

Zrugg im Camp hets Lunch gaeh, Choechin het de die ganzi Chuchi ipackt, will die hei mir naemlich o mitgnoh i ds naechschte Camp. Nach 3 Stund Fahrt hei mir de am Rand vom Kings Canyon uebernachtet. Tagwach isch de ersch am 5i gsi u de hei mir dae Canyon drei Stund bewanderet. Dr Guide het widerum viu verzellt ueber d Uriwohner, Pflanze wo si brucht hei und de ueber Entstehig vo dere Landschaft. I ha maengisch gar nid raecht gwuesst, ob i i de USA bi oder ds Ouschtralie. Es het alles sehr viel Aehnlichkeit.

Nacheme feine Lunch hei mir de d Fahrt nach Alice Springs vor ues gha. Natuerlich het dr Guide vo ues nid dr normale Strass nachewoeue u drum hei mir uebere Gravelroad d Abchuerzig gnoh. Zum Glueck hetme sich choenne agurte, aber dr Giude het si helli Froeid gha dran. Hei ungerwags verschiedeni Herde vo Wildhorses gseh.

Huet Abe geits witer nach Cairns wo mir de ueses fahrende Huesli fasse