13.01 De letschi Tag in Auckland bevors wiiter gange esch nach Raglan hani denkt machi no en chline Usflug. Med de Ferry beni , nöd wiit, 20 min. gfahre nach Devenport. Dasch es chlises Stätli uf ere Insle grad be Auckland. Navy vo Neuseeland esch den onderanderem stationiert…Wasi gmacht han, ich ben uf de Mt. Victoria ufe, en chline Hügel öbbe i de mitti vo de Insle. Vo död her hani be super Wetter e mega schöni Sicht uf Auckland gah! 14.01 Am nöch...

Vo de Innestadt verabschieded hani mich rechtig Flughafe uf de wäg gmacht. Han denkt lieber zfrühe döde si, als de Flüger verpasse…ufjedefall hani die chinesischi Chochi nomol testet gah. Das esch für es paar alti Flughafeputzfraue es lustigs Erläbnis worde…ganz "normal" e Schale Riis, e Suppe med undefinierbarem Züügs drene und so fritierti Crevette und Fisch heds geh. Dezue hets leider nor Stäbli abote worde, han denkt, ich frög jetzt mol ned na...

Wederum med de Metro beni rechtig Diamond Hill gfahre. Död hed mech de Nan Lian Garden und de Chi Lin Nummery erwartet. Die ganzi Gartealag esch extrem schön zuegrechtet. Ganz i sinere Ruhe vom Grossstadtlebe med sinnlichi Music und Lüüt wo meditiered oder bettet düend. Witter obe beni zum Chi Lin Nummery cho das esch e Tempelalag medere Buddhistischi Schuel. Recht idröklich gsi. Ich weiss ned öbbi es Verbotschild öberseh han oder öbis eifach ned a gsc...

Going to the Big Buddha…Am morge früe ufbroche beni rechitig Lantau Island gfahre. Die meiste Touriste sind med em Cable Car zum Buddha gfahre, ich han mich für de ÖV und die vell belligeri Variante entschiede. Statt med em Cable Car (Luftseilbahn) beni med em Bus dur die ganz Lantau Island gfahre, was zemlich i drücklich gsi esch und plötzlich so quasi us em nüt use so e Sicht wie us de Feriekatalög in Thailand. Am liebste wäri usgstege und en schw...

Nachmeh meh oder weniger agnäme 12h Flug med de Swiss über d`Nacht beni guet in Hong Kong International Airport a cho. De Flughafe esch chli usserhalb vo de Stadt und demensprächend au vom Hostel, woni voll Downtown buecht han, chli entfernt. Dasch no recht lustig gsi: In Hong Kong esch grad Feierarbett gsi und all send uf de Zug und zmezt enne de Rucksackturist us de Schwiiz wo mendistens en Kopf grösser als alli gsi esch ;-) und uf em Wäg gsi esch is Hos...