Nachmeh meh oder weniger agnäme 12h Flug med de Swiss über d`Nacht beni guet in Hong Kong International Airport a cho. De Flughafe esch chli usserhalb vo de Stadt und demensprächend au vom Hostel, woni voll Downtown buecht han, chli entfernt. Dasch no recht lustig gsi: In Hong Kong esch grad Feierarbett gsi und all send uf de Zug und zmezt enne de Rucksackturist us de Schwiiz wo mendistens en Kopf grösser als alli gsi esch ;-) und uf em Wäg gsi esch is Hostel. Danke im Manu no ganz herzlich für Octupus Karte für zum Zug fahre! Au wenn s`Hostel nor zwei Strasse vom Usgang vom de Zugstation gsi esch, beni glich med vollem Rucksack ca. 30min. im züügs umegloffe und han de rechtig Igang gsuecht für d`Unterkunft. Da säg ich eu, de esch versteckt gsi ;-)… Aber hans denn doch no gfunde und mis Bett imne Masseschlag chöne bezieh. S`Viertel rund um Causway Bay beni den nochli go a gügsle. Ich fends vo de Liechter her ähnlich wie New York eifach uf Chinesisch ;-) mer seid ja au es eschs NY vo China…