Wederum med de Metro beni rechtig Diamond Hill gfahre. Död hed mech de Nan Lian Garden und de Chi Lin Nummery erwartet. Die ganzi Gartealag esch extrem schön zuegrechtet. Ganz i sinere Ruhe vom Grossstadtlebe med sinnlichi Music und Lüüt wo meditiered oder bettet düend. Witter obe beni zum Chi Lin Nummery cho das esch e Tempelalag medere Buddhistischi Schuel. Recht idröklich gsi. Ich weiss ned öbbi es Verbotschild öberseh han oder öbis eifach ned a gschrebe gsi esch, beni plötzlich henderde Chochi glandet. Um die ganz Tempelalag ume hani de Usgang gsuecht. En Usgang gfunde aber de esch gschlosse gsi, han mi chli verehrt gfühlt… Dur e Sittegass esch den mol e alti chinesischi Frau uftaucht und hedmi wahrschindlech uf chinesisch gfrögt was ich do mache…han nachem Exit gfrögt. Sie hedmi den dor undererdischi und secher ned ver Bsuecher zuglani Gäng weder us de Tempelalag gführt, recht lustig gsi…

So gäg die 6i Zobig han welle a Victoria Harbour fahre so dasi schön ad Skyline vo Hong Kong Island anegseh wenn die berüemti Licht Music Show "A Synphonie of Lights" abspielt. Nüd witters öberleit gah und`s ersch i de Umstigestation gmerkt gah, beni voll id Rush Hour inecho…norno Chöpf med schwarzem Haardeckele gseh ;-) Ufjedefall beni den dochno rechtziitig med vellne andere Touriste a de Promenade acho und han das volle Programmm chöne gnüsse. Unglaublich gsi!!!

Und morn Zobig gots wiiter rechtig Auckland, Neuseeland hoffe uf e chli meh Sunne…