05.-07.03.2013 Simi Valley

Übernachtet hani im riisige Motorhome vom Dino wo hinzwüsche vo Sacramento a greisst esch. Gäg de Nomittag semmer den los zum Foodshopping und Chüelschrank fülle ;-). Nachher semmer zwar mängisch med chli Stau aber doch recht guet dur Santa Monica, Beverly Hills, Bel Air und Hollywood gfahre. Was extrem ufgfahle esch send all die Sportwäge und Villas gsi vos i dene Stadtteile vo Los Angeles gah hed. Verstärcht in Hollywood semmer weder zurgg rechtig Malibu. Leider scho langsam dunkel gsi no rasch an Strand abe und nachher hämmer eus gli mol es deftigs amerikanischs Steak gmacht med guetem Salat. Am nächste Morge nach em Früehstück hämmer welle los rechtig San Diego, leider semmer nor grad 50m wiit cho und den heds Motorhome abgstellt und mer händs zwar a brocht aber es esch emmer weder abgsoffe. Med hilf vo andere Parkbsuecher hämmers leider au ned anebrocht und so semmer den abgschleppt worde und sind bis jetzt no am warte bes es weder rechtig lauft. Dasch halt wemmer es 20 jährigs Motorhome chauft, hedmer es gwüsses Risiko zträge aber komisch isch dases 2 Täg eigentlich ribigslos gloffe esch. Naja da chamer nüd mache und Garage meint mer chönd morn weder uf d Strass und so hämmer leider es paar Täg verlore aber besser so als zmetz i de Wüesti vo Nevada oder so stoh zblibe und kei Empfang zha.