08-10.03.2013 Las Vegas

Mitmneh reparierte Motorhome semmer den am 08 März los nach San Diego. Übernachtet hämmer ächli südlich vo San Diego in Imperial Beach. Gäg de Nomittag denn, hämmer de Bus und de Trollyzug gno ad Grenze zu Mexico. Euses Ziel esch gsi Tijuana und heil weder zrugg zcho. So semmer überd Grenze nach Mexico und es hed sich agfühlt wie so imne Flüchtlingsstrom ene. Med nor chli Bargeld, em Pass und em schwiizer Sackmesser semmer chli dur Tijunana druegloffe und händ no e Servesa trunke. Emmer weder chli gluegt das eus niemerd verfolgt ;-). I reis id USA esch definitiv schweriger gsi und hed schlussentlich ebefalls klapped. Am nächste Tag semmer los nach Las Vegas. Dure trochni Gägend semmer den be dunkelheit is hell belüchtete Las Vegas inegfahre. Im Norde vom berüehmte Las Vegas Strip hämmer de RV Park. Allso fast alles Grosse esch i de Nöchi. Extrem vell blinckendi Lichter und riise Werbebildschirme. Gäg de spote Obig hämmer eus den ufgmacht und send no dur de Las Vegas Strip gloffe. Im Cosmopolitan, Bellagio, Caeser Palace und the Mirage semmer is Casio und be allne med plus usegloffe. Am nächste Morge hammer eus uf de Wäg zum Grand Canyon gmacht. Dur die trochni Landschaft vo Nevada semmer di meisti Ziit uf Highways gfahre, jedoch de letschti Teil bes zum Grand Canyon esch e Kiesstrasse gsi. Es hed eus med em Motorhome mega duregschüttlet aber mer send glich am Ziel acho. Super idröcklich hed de Grand Canyon ussgeh. Die tüüfi vo de Schlucht, die verschiedene Farbtöön, die extremi Wiiti eifach unglaublich. Wederum gäg de spote Obig, weder zrugg in Vegas, simmer nomol zum Las Vegas Strip und i verschiedeni Casinos. Leider hämmer Glück meh gah.