18 - 25.03.2013 Vancouver

So die letschte paar Täg hani alli in oder i de nöchi vom schöne Vancouver erläbt. Werend de Dino id Englischschuel esch hani ich no freiheit gnosse. Aber mer händ au zäme no einiges erläbt, so semmer z. B. en NHL Match, Vancouver - Minesotta go luege. Leider hed s `Heimteam med 3:1 verlore und Stimmig im Stadium esch dementsprechend au gsi. Oder wiiter semmer is bekannte Skigebiet Whistler go Snowboarde. S`Grösste Skigebiet vo Kanada hed emmerno super Schnee gha und s`Wetter hed au medgmacht. Ich ben den einisch no eleige für 1 Nacht med de Ferri uf Vancouver Island nach Victoria. Recht e schöni Stadt medmneh schöne alte Stadtviertel und em ältiste Chineseviertel vo Kanada. Eigentlech regnets i de Region Vancouver i dere Jahresziit fast emmer. Zum Glück hed eus de Petrus chli verschonnt und mer händ fast kein einzige Regetag gah. Aber med mim Summerreisegepäck hani mängisch schochli d Wärmi gsuecht. Durchschnitt ca. 10 Crad do. Und am Morge gsed mer mängisch sin eigne Atme well Temperatur fast uf Null abegheit und s Motorhome ned bsunders guet isoliert esch. Gli gots ja id Wärmi, gäll Lea :)