Profile
Blog
Photos
Videos
- Blog
-
Location Date Victoria 1287097200 South Australia 1287097200 New South Wales 1286060400 Queensland 
1285628400 -
Location Date Surfers Paradise 1285628400 Airlie Beach 1284764400 Port Douglas
1284332400 Cairns 1283986800
Nachere eher unruhige Nacht (das Gekrabble ueberall und die Toen haen bitz vom Schloof abghalte...) sind mr am nexte Morge frueh zum Daintree Rainforest Information Center gfahre. Ah was mr no muend erwaehne: wo mr unser Bett inspiziert haend bevor mr sind go schloofe, sind uns als erschts grad zwei Kakerlake entgege krabblet... hui, herrlich... Jedefalls ka me in daem Center dr Raegewald in siner volle Pracht bewundere und durch die verschiedene Levels ka me eso dr Raegewald au mol vonere andere Perspektive betrachte. Wirklich interessant gsi, nur das Audio het nit viel taugt... Au wenn d Nicole vellicht dermit ganz interessiert dri luegt... he,he.
Am Nomidaag sind mr denn Richtig Cape Tribulation gfahre und sind em Myal Beach entlang und via eme kleine Raegewald zum Cape Tribulation Beach gloffe. Das isch wuerklich super schoen gsi. Ah was no erstundlich isch: vorallem (schienz) dAmies goen trotz em Schwimmverbot waege Krokodil ins Meer/Fluess go schwimme... haemmer selber beobachtet... naja, uns waer jo s Laebe zschad... he,he.
Zobe sind mr denn ufe Campingplatz in Daintree gfahre (e idyllische und ruhige Ort, herrlich). Isch aecht witzig gsi: do`s scho am idunkle gsi isch und unser Aesse kalt worde waer, haemmer bitz muesse pressiere und do unser Nachtlager nur usere Britsche bestooht, wo me in 5 Sekunde ka usklappe und mir denn nur no unseri 2 Campingstuehl und dr Tisch haend muesse ufstelle sind mr in oebbe 3 Minute igrichtet gsi und parat zum aesse. Waehrend vis a vis 2 erfahreni Camping-Paarli oebbe e Stund brucht haend, bis sie ihri riese-bombastische Aahaengerzaelt ufgstellt kha haend... he,he, eifach e witzigi Situation gsi. Zobe bin ich (Nicole) denn no emene haerzige griene Frosch ufem WC begegnet :)
Dr next Daag isch wuerklich ufregend gsi: zerscht sind mr in Daintree ufe Boots-Tour gange wo mr insgesamt 4 Krokodil (plus ei Schlange) gseh haend und am Nomidaag sind mir im Raegewald (Mossman Gorge) go bade! Isch sehr erfrischend gsi... he,he.
Doert, also in Mossman, haemer denn au no e 1-stuendige Rundwaeg dure Wald gmacht, was au sehr schoen gsi isch. Mossman empfaehle mr wuerklich Jedem, lohnt sich wuerklich!
An daem Daag sind mr witer gfahre bis nach Port Douglas. Das isch e ganz haerzigs und lebaendigs Oertli wo sich vieli Restaurants, Bars, hotels und Beach-Laede befinde. Mir haend denn doert e Strand-Daag verbrocht am Four Miles Beach (jawohl, nomol).
Huet sind mr nach Cairns gfahre und sind doert bitz umeghange und haend unser Trip zum Whitehaven Beach buecht. Jupie, am Samschtig, 18.09.10 gohts los und mir waerde 2 Naecht ufemen relativ kleine Katamaran durchs Paradies schippere... Jupie, mir freue uns scho mega druf! In Cairns sind mr denn au no in Botanisch Garte gange. Dae het uns beidi aber nit sonderlich umghaue, vorallem haend uns dMoskitos gnarvt kha und ueberall hets Spinne kha... Waer oebbis fuer d Sabrina gsi... :) he,he.
Vorhaer haemer grad e feini Pizza gaesse (muens no usnutze solang mr koenne) und hoeckle jetzt imene internet-Kaffi.
Wuesset ihr was mr morn mache??? Go Tauche! Mir freue uns extrem druf und sind gspannt... Mehr Infos do druber denn bald...
Hoff euch gohts allne guet - uns scho :)
- comments
Tamara Das seht und tönt jo fantastisch und abwechsligsrich, was ihr alles erläbet. Gniessets witterhin und viiiiiiiel Spass bim Tauche (i hoff ihr träffet uff kei Hai!!)
Corinne Hallo Corinnchen! Jo gaell, mir haens wuerklich super und jede Daag isch irgendwie e Highlight... Also s Tauche muesch unbedingt usprobiere! I nimm a in Aegypte wirdsch au schoeni Fisch gseh und das isch e wahnsinnig tolls Gfuehl die alli live z gseh. Aber am Afang isches mir scho raecht mulmig gsi, vorallem will du eifach total abhaengig vo daem Atemgraet bisch und eifach muesch probiere ruhig z bliebe... Naja, eifach kei Panik, denn gohts scho! :) I bi e zweits Mol gange, do hanis denn richtig choenne gniesse, will s erschte Mol bini viel z fescht mit mir saelber beschaeftigt gsi. Also e Tipp: wenns bim erschte mol nit grad sehr bloed gfunde hesch, denn wuerdi unbedingt e zweits mol goh, denn isch alles anderscht! Hui, muesch mr denn verzelle wies gsi isch. Wie laufts mit dr Wohnigssuechi? Schoens Weekend und gruessli vo uns beide! Mutz Do wird me jo ganz niidisch... Nid öppe wäge de Spinne und Kakerlake sondern mehr wäge dr Katamaran-Tour durchs Paradies, em Four Miles Beach etc... Dönt super interessant und bi gspannt uf wyteri interessanti Bricht! Nici: muess unbedingt erfahre, wie du s Tauche erläbt hesch :-) Wenns dir gfalle het, gang i im November au. Zwar nur in Ägypte, aber isch doch mol e Afang :-) Viel Spass und liebi Griess ihr zwei! Corinne
Wally Eifach toll Euri Bricht und beiidruckendi Fotene (au die vom Botanische Garte). Die Frösch gsehn doch härzig uss als wäre sie uss Porzelan:) :) :) .
Flo Weber Super Sach gniessets! Kleini Neuigkeit us dr CH. Dr Eric Hassli kunnt ev.zum FCB, Apropos FCB 2:2 gege YB. und morn gits Championsleague gege Cluj. Liebe gruess Flo
Nicodemus Graf von Basilensis Do in Basel wird mittlerwiile scho früeh dunkel, es isch kalt worde und es schifft die ganz Zitt. Also im Momänt verpasse dir wirklich nit viel! Ich beniid euch! Gruess Nicodemus
Sabrina Hallo Sabrina! Jo i lueg dassi uf kei Tuusigfuessler tramp, i weiss jo schliesslich scho sehr genau, wie sich das afuehlt... he,he. Uns gohts guet, hoff dir au! lg Nicole Hallo dir 2Dangge vilmol für öire super intressante Bricht. Ich brobier mit eifach drinine zversetze, so bi ich au chli in de Ferie mit öich! Ich hoff sehr, öich gohts sowit guet und dir sind fit und munter!Also, d Blüemli sind jo nätt i däm Botanische Garte, aber die scheiss Viicher, die würde mir jo dr Räscht ge... Iiiiigitt!!! Nici, lueg, dass du nit uf irgendwelchi Tuusigfüessler drampsch gäll, es chönti si, dasses relativ fescht knaxxxxxxt! :) Merci, i fröi mi scho ufe neggschte Bricht! Gniessets!Mutzeli Sabrina