Mir hei entschiede das mir Hawaii ä Wuche früecher verlöh als geplant und üs scho nach Thailand begäbe, mir bruche drum dringend ä Massage =P. Wie dr nech chöit vorstelle isches vo Hawaii nach Thailand ke Chatzesprung gsi :-). Äs isch ä wälts Reis gsi, mir si mit dr China Airline vo Honolulu nach Bangkok gfloge u das via Taipei (Taiwan) zu däm hei mir ono ä Zwüschestopp in Tokio ka (ja, Japan, das hei mir also o nid gwüsst hahaha). Ner am Schluss si mir no vo Bangkok nach Chiang Mai gfloge u si guet am Ziel acho. Natürlech zerstört nach öpe 29h reisle aber mir si geng no zutiefst z friede :-). Chiang Mai, wow üs hets mega gfalle, würklech genial! Hie chame soo viel Sache unternäh u alles isch so günstig. Essen gut, alles gut hihi ;-). Hie in Thailand hei si o mit Abstand die beste Mangos, soo fein die Säftli hie. Mir si o sehr froh gsi das üsi Unterkunft no ä Pool het ka, wüll so bi tüpige 39 Grad brucht mä de scho ab und zue ä Abchüelig, schüsch geit mä ja nieder. Trotz dr Hitz, hie üsi Aktivitäte: - Cooking Class Mir hei bir www.thebestthaicookeryschool.com üser Stunde gno u das isch ca 5h gange u mir si bir Unterkunft abgholt u wieder zrug bracht worde. Es het mega gfägt u mir hei gwüss viel glehrt u das nur für 26 CHF. Zersch si mir ufnä Local-Märit ga üser Zuetate poschte u ner ab id Kochschuel (ca. 10min vom Stadtzetrum entfernt), dert hei mir ner viel Gricht kochet u natürlech o gässä :-). Das chöi mir also nume empfähle, fun pur - super gsi! - Temple ir Stadt Chiang Mai sälber het ca. 200 Temple, nid gad wenig hä =P. Mir hei drei gmacht uner hei mir z heiss ka, haha. Gseh hei mir dr Kings Monument u dr Wat Chedi Luang sowie dr Wat Phan Tao, Bim dritte hei mir gad chönne drzue höckle wod Mönche hei bättet, das isch sehr idrücklech gsi! - Happy Elephant Camp (No riding) Mir hei ä Vormittagstour iz Happy Elephant Camp buechet u si ca. ä Stund nördlech vo Chiang Mai gfahre. Dert acho hei mir när gad z Gwandli chönne sattle uner isches losgange, zersch hei mir dr Rohzucker gschnitte u ner si mir dr gröscht Elefant ga füettere, das isch sehr amüsant gsi, mir hei natürlech o chle Schiss ka, aber das hetsech ner de o gleit ;-). Nachem Kennelerne si mir när mitem Babyelefant (2 Jährig) und dr Muetter ga spaziere u sä im Fluss ga bädele. Ds isch soo härzig gsi, dä Elefante geits da würklech guet! Nachdem hets när no äs z Mittag gä u ner isches umi zrug gange, für 44 CHF chame aso nüt sägä und äs isch würklech ä schöni Erfahrig gsi. Das gad Sunntig isch gsi, si mir ner no a Märit gange (Sunday Walking Street) u dä het o hönne gfägt. - Hill Tribes & Wat doi Suitep Tempel Mir hei nomau ä Vormittagstour gmacht u isch öpe o ca. 1h vom Stadtzentrum entfernt gsi. Zersch si mir id Hill Tribes, äs Dörfli wo si ide Bärge wohne u hei chle z Gschichtleche erfahre, ner simer no i berüehmtischt Tempel vo Chiang Mai, wo sogar z Wahrzeiche sigi. Äs isch sehr touristisch u richtig überfüllt gsi, aber glich schön, wüll mä o ä super Usblick ufd Stadt het. Z Prisleischtigsverhältnis het da iz nid gstumme (26 CHF), es empfiehlt sech somit eifach äs Taxi zum Tämpel z näh, das chiem sicher günstiger ;-). - 3 x Massage :-) Mir hei üs i dere Wuche 3 Mal ä Massage gönnt, natürlech geng ä anderi u äs isch eifach super gsi! Die Thai's heis eifach druff und äs isch soo günschtig, das gloubt mä fasch nid. Mir si geng id Lila Thai Massage 5th gange u chöis empfähle. - Night Bazaar Vom Mäntig bis Fritig hei si o geng ä Nacht Bazaar u das isch würk o sehenswärt. Viel chlini Lädeli u feine Steefood! Chiang Mai, geil wars. Namaste.