Mir hei mal wieder ä Nachtbus hinder üs u das vo Cusco nach Arequipa, (ca.10h) gschlafe heimer gar nid guet aber wär brucht scho Schlaf? =P Am 06:00 Uhr simer in Arequipa acho und üser Hotelzimmer si natürlech no nid parat gsi u drum heimer alli zämä vollmotiviert d Stadt erkundiget :-) Mir si im Restaurant Crepisimo glandet u hei der best Crepe vom Läbä gässä, Essen gut alles gut! Der Reste vom Tag heimer üser Wichtelgschenk organisiert u hei üs zum Sunset es Apéro ir Rooftopbar gönnt ;-) - 2 Tages Usflug Chivay & Colca Canyon Mir hei dä Usflug houptsächlech für die grosse Kondorvögel gmacht, schön heimer öpe 3 gseh u das vo witem hahaha aber äs isch schüsch ä schöni Busfahrt gsi bis nach Chivay wo all houptsächlech hei gschlafe :-) Köstlech. Aja idä Hotsprings simer ono gsi u das het üs gwüss passt, bädele und es Bierli näh, was wotme meh? :-)