Mir hei üses nägschte Ziel chlei gänderet u hei entschiede das mir direkt uf Varadero a Strand gö, anstatt no ä anderi Stadt ga z besichtige, haha mir si so =). Mir hei 4 Busbillet la storniere, was o sone Sach isch gsi...d Kubaner ar Busstation si nid gad motiviert u hilfsbereit gsi, aber mir heis doch de no gschafft mit 20 Stutz Annulationschöschte drvo z cho ;-). Mir si ner mitem übrige Geld mitem Taxi vo Trinidad nach Varadero gfahre. (ca. 3.5h Fahrt, je für 30 CUC). Varadero sälber isch nüd speziells, alles chle a eire Strass uso, aber der Strand uds Meer si halt derfür wunderscheeen ;-). Mä cha ganz wiit use iz Meer loufe u das fägt. A dene Tage wos nid isch schön gsi, heimer Daheime gläsä u chillet, ja ihr heit richtig gläsä, mir hei gläsä hahahaha. Ä Thriller u dä het üs richtig packt! Das Joshua Profil, heter gheisse, chöimer aso empfähle ;-) Ajaa u diesmal heimer nid nume äs Zimmer ka sondern ä eigeti Wohnig. Ganz fräch gsi, abgseh da drvo dases ir Nacht sehr het abeküehlet unds dür die ganzi Hütte zoge het. Da isch der Dürzug womer albe Daheime bi de Müettere verursache, wemer eini gö ga rouke, ä Klacks dr gägä ;-). Einisch heimer gmeint z Dach keit ab so fescht het das gluftet. Guet, Dach isch übertriebe, eher sones Gebastell mit Bläch. Leben am Limit... haha. Nenei es läuft bei uns :-).