Mir si wieder mitem Bus witers u dies Mal heimer ä 3h Fahrt ka, alles bene verloffe nume d Klimaalag isch nid gange aber sonst, läuft bei uns. :-) Ds Casa isch o wieder super, womer si acho hets sogar ä Welcomedrink gä u sie si sehr nett u hilfsbereit. D' Husmuetter het ar Triz geng Valentina gseit u mi hets schier tätscht, somit wemer zrug si, dörft sä gärn so nenne, si lost also sehr guet druf.. hahhahah. (Valentiiiiiiiinaaa) Trinidad isch rächt touristisch aber mega kuul, bis iz gfallts üs da gwüss am beste. Es het eigentlech alles, vo Rooftopbars, kuuli Beizli, Clubs bis zu Salsamusig uf de Gassene. Natürlech hets o Bärge u Strand u so sportlech wie mir si, simer 2 mal a Strand ;-). (mitem Bus je 5 CUC für härä u zrug) Z' Ässe isch leider o hie nid besser, ussert natürlech ide Casa's, d Müettere stopfe eim geng voll, wie d' Müettere Daheime =P Aja u mir hei ä nöie Drink entdeckt, Cancanchara heisster, öpis sehr guets mit Honig drin, Nyam Nyam!