Ab uf Bolivie! O hie isch d Gränze sehr wit obe gsi, nämlech uf 4800 M.ü.M, die heimer aber diesmal ohni Problem gmeisteret ;-). Bi dere Gränze hets ke Kontrolle gä u nüd, mä isch nume dusse agstande füre Stämpel, mir hätte also gäbig öper im Rucksack chönne ha =P Mir si när 3 Täg lang mit dene Outos ir Wüesti vo Bolivie umedüset resp. umechauffiert worde. Sehr agnähm gsi i dene Outos, mir hei sogar üsi eigeti Musig chönne übertue, das heisst Ramba Zamba ;-) D Fahrer hei üs o geng z ässä gmacht u isch also geng guet gsi. Die Landschaft u alles isch eifach der hammer!Alls so farbig u idrücklech. Mir hei Grüeni & Roti Lagunene gseh, warmi aber stinkendi Pfützene, Flamingos, Vulkane u natürlech d Salar de Uyuni, die riise Salzflächi - der heimer alls gä mit fötele u filme. Mir hei sogar beidi z erste Mal Lama gässä (unbewusst) u mir heis gwüss gärn ka. Aja ud Helfti vor Gruppe het Magedarm verwütscht aber das sigi normal, in Bolivie wärdi jede mal chrank, keni witeri Details... :-)