Der Nachtbus vo Sucre nach La Paz hät 14h sölle ga, jawohll hät ;-), schön heimer schlussendlech 23h ka - üse Busfahrer isch nid igschlafe odereso sondern d Dorfbewohner hei d Strass gsperrt u hei protestiert, wüll ihre Presidänt ihne Sache het versproche use nid het ighalte. (Isch ihri einzigi Müglechkeit sech z wehre) Da das der einzig Wäg nach la Paz isch gsi, heimer müesse warte..Si hei nid abkaltet u si steihert standhaft bliebe u hei üs ersch nach 8.5h la witerfahre. (si si nid bewaffnet gsi aber si hei grossi Steine ka u hätte die gschosse drum hei alli Büs gwartet, we di iheimische warte, muesses öpis heisse). D Polizei isch ersch cho bevor si üs hei la witerfahre, das gäbs in Europa o nid! Ehja mir si fasch abgfrore ud Snacks si üs schier usgange aber es leben die OREO-KEKSE, die hei üs grettet. Es isch ämel es Erlebnis gsi u iz chöimer drüber lache :-) Somit heimer natürlech in La Paz ä ganze Tag verlore u drum heimer nüt grosses gmacht. Resp. am erste Abe hei alli paar Drinks brucht u am nägste Tag hätme chönne ga bike, die berüehmti Death Road ab, aber mir hei nid wölle stärbe u drum simer ga Shoppe wie die wahnsinnige :-). La Paz isch riiisig u alli Hüser si so äng anenand u es het 1 Märit nachem andere, alles so billig gsi - Paradies für Frauen.