Nachere eher früsche Nacht simer bezyte ufgstange um d'Tier am Morge früeh z'beobachte!
Aber mir hei z'gfühu das die ou lenger ruhie....bis mr de bim einte Wasserloch dochno ufene fasch 30 Chöpfegi Elefanteherde gstosse si! Het e Wuauw Effekt gha! ��

De gli drufabe simer ufe Picknickplatz go z'Mörgele! I Sicherheit vo de wiude Tier!

Früsch gstercht simer witer uf d'Pirsch!
Ah ja, u wöu dr Dänu no het wöue Tier abstriche womr gseh hei si du de plötzlech us Wiudsöi Nashörner und us Büsch Büffu worde! Gröll

Lang nüd u de plötzlech grad ume e Herde Elefante wonis 4 Bulle grad echli nöch si cho!
Hei schomau d'Luft aghaute gha! De no 2 Büffle wo sehleruhig dahingschritte si u Wiudsöi wo glochet hei...und und und...

Isch ou so speziell weme seuber düre Park fahrt u Tier suecht! Aber d'Variante mitem Driver (So wie z'Nambia u z'Botswana) isch doch eher üse Favorit!

De unger usem Park use simer iz 180 km wit entfernte Stormriver gfahre womr imene Backpacker itschegget hei! Eigetlech heimr 3 Nächt wöue bliebe, aber us däm wird evt nüd, das isch nid so üses Ding hie!

Morn wöimr uf au fäu go Wandere i Tsitsikamma Nationalpark....dert söus e Wasserfau ha wo sehenswert isch.